default_image

8 months ago

June 22, 2023

काभा नेसन्स भलिबलमा नेपालको लगातार चौथो हार

काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले किर्गिस्तानमा जारी काभा पुरुष भलिबल नेसन्स लिगमा लगातार चौथो हार बेहोरेको छ । लिग चरणको चौथो खेलमा तुर्केमिनिस्तानसँग ३–१ को सेटमा पराजित हुँदै लगातार चौथो हार बेहोरेको हो । विस्केकस्थित चोलपोन एटिए कभर्डहलमा बिहीबार भएको खेलको पहिलो सेट १८–२५ ले सहजै गुमाएको नेपालले प्रतिस्पर्धात्मक बनेको दोस्रो […]

99 views

0 Bookmark

काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले किर्गिस्तानमा जारी काभा पुरुष भलिबल नेसन्स लिगमा लगातार चौथो हार बेहोरेको छ ।

लिग चरणको चौथो खेलमा तुर्केमिनिस्तानसँग ३–१ को सेटमा पराजित हुँदै लगातार चौथो हार बेहोरेको हो । विस्केकस्थित चोलपोन एटिए कभर्डहलमा बिहीबार भएको खेलको पहिलो सेट १८–२५ ले सहजै गुमाएको नेपालले प्रतिस्पर्धात्मक बनेको दोस्रो सेट २५–२३ ले जित्दै खेलमा फर्कियो ।

तेस्रो सेटमा ६–१० ले पछि परेको नेपालले लगातार ५ अंक बटुल्दै ११–१० को अग्रता लिन सफल भयो । त्यसपछि प्रतिस्पर्धात्मक खेलमा २४–२३ ले अग्रता लिएपनि लगातार ३ अंक गुमाउदा सेट २४–२६ ले गुमाउन पुग्यो ।

१०–१० को बराबरीको स्थितिबाट लय गुमाएको नेपालले त्यसपछि खेलमा फर्कने प्रयास गरेपनि तुर्केमिनिस्तानलाई २०–२५ ले नतिजा सुम्पन पुग्यो । लगातार चौथो हारसँगै नेसन्स लिगमा नेपाल अंकविहीन बनेको छ ।

यसअघि नेपाल पहिलो खेलमा मंगोलिया र दोस्रो खेलमा घरेलु टोली किर्गिस्तानसँग समान ३–१ को सेटमा पराजित हुँदा तेस्रो खेलमा एसियाकै पावर हाउस इरानसँग ३–० को सोझो सेटमा पराजित भएको थियो ।

तुर्केमिनिस्तानको यो पहिलो जित हो । पहिलो जितसँगै तुर्केमिनिस्तानले चारखेलबाट ३ अंक बटुलेको छ । यसअघि तुर्केमिनिस्तान किर्गिस्तानको दोस्रो टोली, मंगोलिया र किर्गिस्तानसँग समान ३–१ को सेटमा पराजित भएको थियो ।

अब नेपालले शुक्रबार किर्गिस्तानको दोस्रो टोली तथा आइतबार उज्वेकिस्तानसँग अन्तिम खेल खेल्नेछ ।

February 26, 2024

प्रिया र करणलाई दुगुनागढी माउन्टेन ट्रेल रेसको उपाधि

काठमाडौं (हाम्रो खेलकुद)- प्रिया राई र करण रावललेसिन्धुपाल्चोकको दुगुनागढी माउन्टेन ट्रेल रेसको उपाधि जितेका छन्। निर्धारित २४.५ किलोमिटर दूरी २ घन्टा ५७ मिनेट ५० सेकेन्डमा पूरा गर्दै खोटाङकी प्रियाले उपाधि जितेकी‌ हुन्‌। गत वर्ष पनि प्रियाले नै उपाधि जितेकी थिइन्।२ घन्टा १३ मिनेट ५२ सेकेन्डमा दौड पूरा गर्दै करणले उपाधि जितेका हुन्। महिलातर्फका धादिङकी रसिला […]

February 25, 2024

झापा ब्याडमिन्टनको अध्यक्षमा ढकाल

मेचीनगर (हाम्रो खेलकुद) – झापा जिल्ला ब्याडमिन्टन संघको अध्यक्ष दिपेश ढकाल चयन भएका छन् । झापाको मेचीनगरमा आज सम्पन्न संघको अधिवेशनले यसअघिका उपाध्यक्ष ढकाललाई अध्यक्षमा सर्वसम्मत चयन गरेको हो । भद्रपुर झापा गोल्ड कपका अध्यक्ष, झापा उद्योग संघका उपाध्यक्ष लगायत संघसंस्थामा आवद्ध ढकाल भेट्रान्स ब्याडमिन्टन खेलाडी हुन् । संघका निर्वतमान अध्यक्ष ललित तामाङको अध्यक्षतामा भएको […]

February 25, 2024

बागलुङलाई सन्तोष थापा स्मृति कप भलिबल उपाधि

काठमाडौं (हाम्रो खेलकुद) – जिल्ला भलिबल संघ बागलुङले सन्तोष थापा स्मृति कप आमन्त्रित जिल्ला स्तरीय पुरुष भलिबल प्रतियोगिताको उपाधि जितेको छ । आइतबार भएको फाइनलमा जिल्ला भलिबल संघ स्याङ्जालाई ३–१ को सेटमा पराजित गर्दै उपाधि जित्न सफल भएको हो । बागलुङले सुरुवाती सेट गुमाएपनि त्यसपछिको तीन सेट आफ्नो पक्षमा पार्दै उपाधि हत्याउन सफल भयो । […]

Success

Thank you for your time.