default_image

2 months ago

January 1, 2024

राजन र प्रियालाई राइनासकोट भर्टिकल दाैडको उपाधि

लमजुङ (हाम्रो खेलकुद) – विभागीय त्रिभुवन आर्मी क्लबका राजन मेयोङ्वा राई र खोटाङकी प्रिया राईले राइनासकोट भर्टिकल दाैडको उपाधि जितेका छन् । खुल्ला पुरुषतर्फ राजनले १ घण्टा १ मिनेट १९ सेकेन्डमा दुरी पार गरि पहिलो भएका हुन् । १ घण्टा १ मिनेट २५ सेकेण्डमा दुरि पार गरि सोलुखुम्बुका अर्जुन राई दोस्रो भए । बझाङका करन […]

198 views

0 Bookmark

लमजुङ (हाम्रो खेलकुद) – विभागीय त्रिभुवन आर्मी क्लबका राजन मेयोङ्वा राई र खोटाङकी प्रिया राईले राइनासकोट भर्टिकल दाैडको उपाधि जितेका छन् ।

खुल्ला पुरुषतर्फ राजनले १ घण्टा १ मिनेट १९ सेकेन्डमा दुरी पार गरि पहिलो भएका हुन् । १ घण्टा १ मिनेट २५ सेकेण्डमा दुरि पार गरि सोलुखुम्बुका अर्जुन राई दोस्रो भए । बझाङका करन रावलले १ घण्टा २ मिनेटमा दुरि पार गरि तेस्रो स्थान हासिल गरे ।

खुल्ला महिलातर्फको दौडमा १ घण्टा १७ मिनेटमा दुरि पार गरि खोटाङकी प्रिया राई पहिलो भइन् । १ घण्टा २७ मिनेटमा दुरि पार गरी सोलुखुम्बुकी नितु तामाङ दोस्रो तथा १ घण्टा ३१ मिनेटमा दुरि पार गरी ओखलढुंगाकी पदमकुमारी सुनुवार तेस्रो भइन् ।

पुरुष र महिला दुवै तर्फको विजेताले समान २५ हजार रुपैयाँ, मेडल र प्रमाण पत्र प्राप्त गरे । दोस्रो भएकाले १५ हजार रुपैयाँ, मेडल र प्रमाण पत्र तथा तेस्रो भएकाले समान १० हजार, मेडल, प्रमाण पत्र प्रदान गरिएको अल्ट्रा धाविका मिरा राईले जानकारी दिइन् । सहभागी सबैलाई प्रमाण पत्र र टिसर्ट प्रदान गरिएको थियो ।

इपिक हिमालय एडभेन्चर ट्रेक र विश्व प्रख्यात अल्ट्रा धाविका मिरा राईको संयुक्त आयोजनामा आइतबार लमजुङको राइनास नगरपालिका ९ को राइनासकोटमा भर्टिकल दौड प्रतियोगिता सञ्चालन भएको हो ।

तमु ल्होसारका अवसरमा सञ्चालित ‘दौड प्रतियोगिता’को राइनास नगरपालिकाका नगरपालिकाका मेयर खड्क बहादुर गुरुङले उद्घाटन गर्नुका साथै विजेताहरुलाई पुरस्कृत गरे । मेयर गुरुङले राइनासकोटमा सुरु भएको ग्रामीण पर्यटनको विकास, प्रचार प्रसार तथा महिला सशक्तिकरणका लागि थप टेवा पु¥याउने उद्देश्यले प्रतियोगिताको आयोजना गरिएको बताए ।

‘राइनासकोट भर्टिकल दौड’मा ८ बर्षदेखि ६५ बर्ष उमेर समुहका ६२ जना धावकहरुले सहभागिता जनाएको आयोजकले बताएको छ । राइनास नगरपालिका– ९ कुडुले निबासी ६५ बर्षीय नन्दबहादुर गुरुङ जेष्ठ धाबक रहेका थिए ।

दौड राइनास नगरपालिका– ८ मा रहेको सर्वोदय सेवाश्रम धर्मनाथ धामबाट राइनासकोटसम्मको १७ सय ५० मिटरको १० किलोमिटर दुरीको उकालो र पुरानोबाटोबाट भएको थियो ।

धावकहरुलाई प्राथमिक उपचारको लागि राइनास नगरपालिका स्वास्थ्य शाखाबाट बगुवा, भक्ति थापा पार्क र राईनासकोटमा औषधि सहितको टोली तैनाथ गरिएको थियो ।

बिच बिच बाटोमा आमा समुहहरुले धाबकहरुलाई अबिर र फूलको गुच्छा दिई हौसला बढाइरहेका थिए । दौड कार्यक्रममा राइनास नगरपालिकाका मेयर खड्क गुरुङसँगै उपमेयर पुष्प राज खनाल, धाविका मीरा राईलगायतको उपस्थिति रहेको थियो ।

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 19, 2024

दीलिप राणा स्मृति भेट्रान फुटबल – अभिषेक चर्च र चितवन निलो विजयी

सुशिल पन्त क्षेत्री, भरतपुरस्व. दीलिप राणा स्मृति अन्तर्राष्ट्रिय आमन्त्रण चितवन भेट्रान कप सुरु भएको छ । चितवन भेट्रान फुटबल क्लबको आयोजनामा सोमबार सुरु भएको प्रतियोगितामा अभिषेक चर्च रजहर र आयोजक निलोले विजयी सुरुवात गरेको छ । पहिलो खेलमा अभिषेक चर्च रजहरले वीरगन्ज सिटी भेट्रानलाई २-१ ले हरायो । अभिषेक चर्चको जितमा हरिप्रसाद पाण्डे र कप्तान […]

February 19, 2024

नामिबियामाथि नेदरल्याण्ड्सको सहज जित

काठमाडौं (हाम्रो खेलकुद) – आफ्नो पहिलो खेलमा नेपाल विरुद्ध हार बेहोरेको नेदरल्याण्ड्सले आईसिसि लिग-२ अन्तर्गत आफ्नो दोस्रो खेलमा सहज जित दर्ता गरेको छ । टियु क्रिकेट मैदानमा सोमबार नेदरल्याण्ड्सले नामिबियालाई ७ विकेटले हराएको हो । १२४ रनको झिनो लक्ष्य पछ्याएको नेदरल्याण्ड्सले २७.२ ओभरमा ३ विकेट गुमाएर पुरा गर्यो । नेदरल्याण्ड्सका लागि ओपनर माइकल लेभिटले ८१ […]

Success

Thank you for your time.