default_image

2 days ago

May 16, 2024

कोशीको अन्तिम खेलमा पहिलो जित

202 views

0 Bookmark

काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो ।

ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो ।

कोशिका लागि ओपनर काजल श्रेष्ठले ४५ बलमा ३ चौका सहित ३६ रन बनाएर अविजित रहिन् । यस्तै टिका शाहले ३४ बलमा ३ चौका नै प्रहार गर्दै २५ रन जोडिन् ।

ललितपुरका लागि कृतिका मरासिनीले ३ विकेट लिइन् भने सरस्वती कुमारले १ विकेट लिन सफल रहिन् ।

त्यसअघि टस जितेर पहिले ब्याटिङ गरेको ललितपुरले निर्धारित २० ओभरमा ९ विकेटको क्षतिमा ८८ रन जोड्यो । ललितपुरका आश्मा पुलामी मगरले ३२ बलमा २ चौका सहित सर्वाधिक २६ रनको अविजित इनिङ खेलिन् । किरन कुँवरले १६ बलमा २ चौका नै प्रहार गर्दै १३ रन जोडिन् । अन्य ब्याटरले भने दोहोरो अंक छुन सकेनन् ।

कोशीका लागि कप्तान अप्सरी बेगम एक्लैले ३ विकेट लिइन् । एलिशा खाडियाले २ विकेट तथा सबनम राई र हिरणमाए रोयले समान १-१ विकेट लिए ।

जित पछि कोशी ४ खेलमा २ अंक सहित चौथौं स्थानमा पुगेको छ । ४ खेलमा २ अंक नै भएको ललितपुर भने तेस्रो स्थानमा छ ।

राउण्ड रोबिनको अन्तिम खेलमा भोलि सुदुरपश्चिम प्रदेश र बागमती प्रदेश भिड्ने छन् । सो खेलले फाइनलमा एपिएफ विरुद्ध खेल्ने टोलीको टुंगो लगाउने छ ।

एपिएफले ४ खेलमा सबै खेलमा जित हासिल गर्यो । सुदुरपश्चिमको ३ खेलमा ४ अंक रहेको छ । बागमतीको भने ३ खेलमा २ अंक रहेको छ । बागमती फाइनल पुग्नका लागि सुदुरपश्चिमविरुद्ध ठूलो अन्तरको जित निकाल्नु पर्ने हुन्छ ।

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

May 11, 2024

गिल र सुदर्शनको शतकसहित गुजरातको जित

एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई‌ सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]

May 9, 2024

उत्कृष्ट पुनरामगन गर्दै रियल च्याम्पियन्स लिगको फाइनलमा

एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]

Success

Thank you for your time.