तनहुँ (हाम्रो खेलकुद) – बराहडाँडा युवा क्लबकाे आयाेजना तथा बराहडाँडा टोल विकास संस्थाको सह–आयोजनामा हुने २८ बजार मेलामा पुरुष र महिला भलिबल प्रतियोगितासँगै विविध साँस्कृतिक कार्यक्रम आयोजना हुने भएको छ ।

शुक्लागण्डकी नगरपालिका– १२ बराहडाँडा तनहुँमा रहेको बाराही प्राथमकि विद्यालयले हरेक वर्षको पुस २८ गते बार्षिकोत्सव मनाउँदै आइरहेकाेमा पछि यो वार्षिकोत्सव २८ बजार मेलाले चिनिन्छ । यसपल्ट विद्यालयको ५०औं स्वर्ण जयन्ती पनि रहेको छ ।

सोही अवसरमा २६ देखि २८ पुससम्म पुरुष र महिला भलिबल प्रतियोगिता हुन लागेको अयोजकले पत्रकार सम्मेलनमार्फत जानकारी गराएको छ । खेलहरुबाराही प्राविको खेलमैदानमा मेला हुनेछ ।

पुरुषतर्फ साविक वडास्तरीय र महिलातर्फ खुला क्बलस्तरीय प्रतिस्पर्धा हुने राष्ट्रिय भलिबल रेफ्री टुक बहादुर गुरुङले जानकारी गराए । उनका अनुसार पुरुषतर्फ १२ र महिलामा ६ टोलीको सहभागिता रहने छ ।

पुरुषतर्फको विजेताले १ लाख रुपैयाँ, शिल्ड, मेडल प्राप्त गर्ने खेल संयोजक खेम गुरुङले जानकारी दिए । उपविजेताले ५० हजार रुपैयाँ पाउनेछन् । सेमिफाइनमा पराजित हुने दुई टोलीलाई समान १० हजार रुपैयाँ प्रदान गरिने आयोजकले जनाएको छ ।

महिलातर्फको विजेताले २५ हजार रुपैयाँको साथमा शिल्ड मेडल प्राप्त गर्दा उपविजेताले १५ हजार रुपैयाँ हात पार्नेछन् । विधागततर्फ उत्कृष्ट खेलाडी, स्पाइकर, ब्लकर र सेटरलाई पनि पुरस्कारको व्यवस्था गरिएको छ ।

प्रतियोगिता सञ्चालन गर्न ६ लाख रुपैयाँ लाग्ने अनुमान गरेको बराहडाँडा टोल विकास संस्थाका अध्यक्षसमेत रहेका खेलका सहसंयोजक जमानसिं गुरुङले बताए ।

गाउँ तहबाटै नयाँ प्रतिभावान् खेलाडीको पहिचान गरेर राष्ट्रियस्तरमा सहयोग पु¥याउने उद्देश्यले पुरुषतर्फ साविक वडास्तरीय र महिलामा खुल्ला राखिएको क्लबका अध्यक्ष शिव गुरुङले जानकारी दिए । साँस्कृतिक कार्यक्रमतर्फ मौलिक नृत्यसँगै स्थानीय कला संस्कृतिको प्रदर्शनी गरिनेछ ।