10 months ago
January 14, 2025
सिड्नी (हाम्रो खेलकुद) – नेपाली महिला राष्ट्रिय भलिबल टोलीकी सदस्य सरस्वती चौधरी र प्रतिभा माली एभरेस्ट ग्लोबल एजुकेसन एण्ड भिजा सर्भिसेसको ब्रान्ड एम्बासडरमा नियुक्त भएका छन् ।
एभरेस्ट ग्लोबलले सरस्वती र प्रतिभालाई दुई वर्षको लागि ब्रान्ड एम्वासडरमा नियुक्त गरेको एभरेस्ट ग्लोबल सिड्नी अस्ट्रेलियाका निर्देशक तथा बिजनेस डेभलपमेन्ट म्यानेजर सुमन बानियाले जानकारी गराए । सम्झौता अवधि दुई वर्षको भएपनि सेवा र सुविधा खुलाइएको छैन ।
सरस्वती र प्रतिभा महिला राष्ट्रिय टोलीका भरपर्दा सदस्य हुन् । लगतार चोटका कारण प्रतिभा भने गत वर्ष चीनमा भएको एसियाड पछि राष्ट्रिय टोलीबाट बाहिर छन् ।
यस बीचमा महिला टोलीले घरेलु भुमिमा काभा नेसन्स लिग खेलेको थियो । नेपाल दोस्रो हुँदा सरस्वती टोलीकी महत्वपुर्ण सदस्य थिइन् । प्रतिभा र सरस्वतीले नेपाली टोलीबाट दुईपटक स्वर्ण पदक जितेका छन् ।
अस्ट्रेलियामा रहँदा प्रतिभा र सरस्वतीले आँफुसम्मिलित म्याग्दी काली युनाइटेडलाई च्याम्पियन बनाएका थिए । प्रतिभाले म्याग्दी कालीलाई पाँचौं संस्करणको महिला तथा पुरुष ढोरपाटन रनिङ कप भलिबल २०२४ को उपाधि जिताउँदा सर्वाेत्कृष्ट खेलाडी घोषित भएकी थिइन् ।
यस्तै सरस्वतीले म्याग्दी कालीलाई आठौं संस्करणको जलजला कप पुरुष तथा महिला भलिबल प्रतियोगिताको च्याम्पियन बनाएको थियो ।
एभरेस्ट ग्लोबल सन् २०१६ मा स्थापित संस्था हो । एभरेस्ट ग्लोबलको अस्ट्रेलियाको सिड्नी र पर्थमा तथा नेपालमा काठमाडौं, पोखरा र म्याग्दीको बेनीमा कार्यालय रहेको छ ।
युवा, शिक्षा र खेलकुदमा विशेष चासो राख्दै आइरहेको एभरेस्ट ग्लोबलले खेलकुदका विभिन्न गतिविधि र अस्ट्रेलियामा रहेको विभिन्न क्लबलाई प्रायोजन गर्दै आइरहेको एभरेस्ट ग्लोबल सिड्नीका निर्देशक बानियाले जानकारी गराए ।
एभरेस्ट ग्लोबलले पर्थमा १० फुटबल क्लब, सिड्नीमा एक भलिबल क्लब (म्याग्दी काली युनाइटेड) र तीन फुटबल क्लबलाई प्रायोजन गर्दै आइरहेको छ ।
यस्तै एभरेस्ट ग्लोबलले म्याग्दीमा विद्यालय स्तरबाटै फुटबल बिकासको लागि म्याग्दी जेसिससँग ५ वर्ष (सन् २०२४ देखि २०२९) सम्म प्रायोजन सम्झौता गरेको छ ।
यसअघि फेवा एजुकेसन एण्ड भिजा सर्भिसेसले नेपाली राष्ट्रिय पुरुष भलिबल टोलीका पुर्व कप्तान मान बहादुर श्रेष्ठ र महिला टोलीकी सदस्य उषा भण्डारीलाई पनि ब्रान्ड एम्बासडरमा नियुक्त गरेको थियो ।
November 1, 2025
एजेन्सी – आर्सनलले आज बर्नलीलाई २-० ले हराउँदै प्रिमियर लिगमा आफ्नो शीर्ष स्थान झनै मजबुत बनाएको छ। पहिलो हाफमै दुई गोल गर्दै आर्सनलले जित पक्का गरेको थियो। पहिलो गोल विक्टर जिओकेरेसले १४ औं मिनेटमा उत्कृष्ट हेडरमार्फत गरे। उनको यो सिजनको चौथो गोल हो। त्यसपछि डेक्लान राइसले पनि ३५ औं मिनेटमा हेडरमार्फत अर्को गोल थप्दै टिमलाई […]
October 29, 2025
काठमाडौं (हाम्रो खेलकुद)- नेपालले भारतविरुद्ध हुने अनौपचारिक मैत्रीपूर्ण फुटबल खेलको लागि पहिलो रोजाइमा १० खेलाडी परिवर्तन गरेको छ। नियमित कप्तान सावित्रा भण्डारी ‘साम्बा’ टोलीसँग नरहेका कारण भारतविरुद्ध हुने आजको खेलमा अनिता बस्नेतले कप्तानी गर्नेछिन्। भारतविरुद्ध गोलकिपर उषा नाथले पोष्ट सम्हाल्ने भएकी छिन्। सोमवार भारतविरुद्धको पहिलो रोजाइमा रहेकी विमला विक आज पनि प्लेइङमा छिन् । अनिता, […]
October 27, 2025
काठमाडौं (हाम्रो खेलकुद)- नेपाल बंगलादेशमा जारी काभा कप फर मेन्स भलिबल च्याम्पियनसिपमा चौथो हार बेहोरेको छ। श्रीलंकाले आज नेपाललाई ३-० को सोझो सेटमा हराएको छ। श्रीलंकाले नेपाललाई २५-१८, २५-१७,२५-२० हराएको हो। नेपालले ५ मध्ये ४ खेलमा पराजित हुँदै ढाकामा जारी च्याम्पियनसिपबाट बाहिरिएको छ। हरि हजुर थापाको कप्तानीमा रहेको नेपालले आफ्नो तेस्रो खेलमा माल्दिभ्सलाई ३-० को […]
