एजेन्सी – ओपनर उस्मान ख्वाजाको दोहोरो शतक प्रेरित अस्ट्रेलियाले श्रीलंकाविरुद्धको पहिलो टेस्टमा विशाल योगफल तयार गरेको छ ।

बुधवार सुरु भएको पहिलो टेस्टको पहिलो इनिङमा अस्ट्रेलियाले गुमाएर ६ सय ५४ रन बनाउँदा इनिङ समाप्तिको घोषणा गर्यो ।

श्रीलंकाको गाले अन्तर्राष्ट्रिय क्रिकेट मैदानमा टस जितेर ब्याटिङ गरेको अस्ट्रेलियाका ओपनर ख्वाजाले सर्वाधिकले २ सय ३२ रनको‌ योगदान गरे। उनले ३ सय ५२ बलमा १६ चौका र १ छक्का प्रहार गरे ।

कप्तान स्टिभ स्मिथ १ सय ४१, जोस इङ्ग्लिस १ सय २ रन जोडे। स्मिथले यसै खेलमा आफ्नो १० हजार टेस्ट रन पनि पूरा गरेका छन् । यो सफलता हासिल गर्ने उनी विश्वका १५औं तथा अस्ट्रेलियाका चौथो ब्याटर हुन् ।

खेलमा ओपनर ट्राभिस हेड ५७, बेयु वेबस्टर २३, मार्नुस लाबुस्चेन २०, एलेक्स केरी ४३ रन बनाए । मिचेल स्टार्क १९ रनमा नट आउट रहे ।

श्रीलंकाका लागि प्रभात जयसुर्या र जेर्फी भेन्डेर्सेले समान ३ विकेट लिए । घरेलु टोली श्रीलंकाले बिहीवार पहिलो इनिङको सुरुवात गरेको छ । टोलीको सुरुवात राम्रो भएन।

दोस्रो दिनको खेल सकिदा श्रीलंकाले ४४ रन जोड्दा ३ विकेट गुमाएको छ । कमिन्डु मेन्डिस र दिनेश चण्डिमल नटआउट छन् । अस्ट्रेलिया समान २ टेस्ट र ओडिआईका लागि श्रीलंका भ्रमणमा छ ।