सुमन अधिकारी, बुटवल

गण्डकी प्रदेश भलिबल संघ र त्रिभुवन आर्मी क्लब बुटवलमा जारी १० औं मणिमुकुन्द कप भलिबल प्रतियोगितामा आज विजयी भएका छन्।

पाँचौ दिन बुधवार पहिलो खेलमा गण्डकीले गल्कोट भलिबल क्लबलाई प्रतिस्पर्धामा खेलमा‌३–२ सेटमा पराजित गर्दै सेमिफाइनल पुग्ने आशालाई जिवित राखेको छ ।

आफ्नो पहिलो खेलमा नेपाल पुलिस क्लबसंग पराजय भएको गण्डकीले दोस्रो खेलमा कोशी प्रदेशलाई हराएको थियो ।

समूह ‘बी’मा पुलिसले ३ मा २ खेल जित्दै सेमिफाइनलमा पुगिसकेको छ । पुलिस समूह चरणको अन्तिम खेल खेल्न बाँकी छ । बिहीवार पुलिस र गल्कोट खेल्नेछन्। गण्डकीले ३ खेलमा २ मा जित र १ मा हार बेहोरेको छ

गल्कोटले २ खेलमा १ र अर्कोमा पराजय भोगेको छ । समूहबाट सबै तीन खेलमा पराजित भइ कोशी प्रतियोगिताबाट बाहिरिएको छ।

समूह ‘ए’ मा आर्मीले आयोजक मणिमुकुन्द भलिबल क्लबलाई ३–० को सोझो सेटमा पराजित गर्यो । आर्मीले २५–१८, २५–२३ र २५–२२ को‌ सहज जित निकाल्यो समुह ए बाट आर्मी ३ खेलमा २ जित १ हार संगै सेमीफाइनलमा पुगेको छ ।

आर्मी यस अघि साग भारत गुजरातको साग भलिबल एकेडेमीसंग पराजित भएको थियो । आर्मीले एपिएफ क्लबलाई हराएको थियो । गुजरात र एपिएबीच बिहीवार प्रतिस्पर्धा हुनेछ।

प्रतियोगिताको विजेताले ३ लाख ११ हजार १ सय ११, दोस्रोले २ लाख ११ हजार १ सय ११ , तेस्रोले १ लाख ११ हजार १ सय ११ र चौथो टोलीले ६६ हजार ६ सय ६६ रुपैयाँ प्राप्त गर्नेछ ।