काठमाडौं (हाम्रो खेलकुद) –मध्यपश्चिममा अर्काे वर्ष आयोजना हुने आठौं राष्ट्रिय खेलकुदको मस्कट हात्तीको छापा राख्ने निर्णय भएको छ । युवा तथा खेलकुद मन्त्री राजेन्द्र कुमार केसी (राजन), राष्ट्रिय खेलकुद परिषदका सदस्यसचिव केशवकुमार विष्टको उपस्थितिमा सोमबार नेपालगञ्जमा बसेको आठौं राष्ट्रिय खेलकुद तयारी समितिको बैठकले खेलकुदको मस्कट हात्तीको छावा बनाउने निर्णय गरेको हो ।
यसैबीच बैठकले आठौं राष्ट्रिय खेलकुदको तयारी र पूर्वाधार निर्माणको विषयमा पनि छलफल गरेको छ । यस्तै बैठकले आठौं राष्ट्रिय खेलकुद निर्धारित मिति मंसिरमै गर्ने निर्णय गरेको छ । मन्त्री केसी र सदस्यसचिव विष्टले सोमबारै बाँके र बर्दिया जिल्लामा रहेका खेलकुद पूर्वाधारहरुको निरीक्षणसमेत गरेका थिए । गतवर्ष पूर्वाञ्चलबाट मध्यपश्चिमले आठौं संस्करणको बृहत राष्ट्रिय खेलकुद आयोजना गर्ने अधिकार पाएको थियो ।
