यज्ञराज जोशी
काठमाडौ फागुन १३ । डिसिएले एनसिएसलाई दुई विकेटले पराजित गर्दै क्रिकेटको शहर धनगढीमा जारी धनगढी क्रिकेट एकेडेमी (डिसिए) र नेपाल क्रिकेट स्कुल (एनसिएस) बीचको एक दिवसीय सिरिज बराबरीमा ल्याएको छ । अघिल्लो दिन एनसिएसले सात विकेटको जित निकालेको थियो ।
दुवै टोली बीच निर्णायक एकदिवसीय खेल भोलि हुनेछ ।
पाहुना टोली एनसिएसले दिएको १५९ रनको लक्ष्य घरेलु टोली डिसिएले ३२ ओभरमा ८ विकेट गुमाएर लक्ष्य भेटायो । ओपनिङ ब्याट्सम्यानद्धय विपिन रावल (२०) र युवराज थापा (२५) ले ३२ रनको साझेदारीबाट सुरु भएको इनिङलाई म्यान अफ द म्याच दिपेन्द्र थापाको ३३ रनको स्कोरले अघि बढायो भने अमन पन्थिले १९ बलमा अभिजित २१ रनको पारी खेल्दै वान डे सिरिज बराबर बनाए । डिसिएका यम कार्कीले १३, निराजन सिंहले १० रन बनाए अन्यले दोहोरो स्कोर बनाउँन सकेनन् । एनसिएसका कप्तान जितेन्द्र सिंह ठकुरीले ५ विकेट लिएपछि दबाबमा देखिएको डिसिए टीम उनलाई अन्य बलरहरुले गतिलो साथ दिन नसकेपछि सिरिज बराबरी गर्न सफल भएको हो । एनसिएसका प्रतिश जिसी र सौरभ ओझाले समान १ विकेट लिए ।
यसअघि टस जितेर पहिले ब्याटिङ गरेको पाहुना टोली एनसिएसले ३८.५ ओभरमा आफ्ना सवै विकेट गुमाएर १ सय ५८ रन बनायो । सौरभ पेलाले टीमका तर्फबाट सर्वाधिक ६१ रन बनाउँदै ९ चौका प्रहार गरे । उनीसँगै बब्लु यादबले १९, रुपेश श्रेष्ठले १८ तथा रविन्द्र जंग शाहीले १६ रनको पारी खेले पनि अन्य ब्याट्सम्यानले दोहोरो अंक छुन सकेनन । ३ रनको टीम स्कोरमा ओपनर सुनिल थापालाई शुन्य रनमा पवेलिएन फर्केपछि डिसिए खेलमा हावी देखिएको थियो । दोस्रो विकेटका लागि बब्लु र कप्तान रविन्द्रले ३७ रनको साझेदारी गरे । डिसिएका पेश बलर निराजन सिंहले सो साझेदारी तोड्न कप्तान रविन्द्रलाई पवेलिएको बाटो देखाएका थिए ।
बलिंगमा अमित बुढाले ५ ओभरको स्पेलमा ३८ रन दिएर ३ विकेट पाए । पहिलो वान डे झै यस वानडेमा पनि उनले ९ रन अतिरिक्त स्वरुप खर्चे । पेश बलर निराजन सिंहको बलिंग निकै अनुशासित रह्यो । उनले फालेको ७ ओभरको स्पेलमा १५ रन मात्र दिएर महत्वपुर्ण २ विकेट निकाले । उनले कुनै अतिरिक्त रन दिएनन् भने एक ओभर मेडन फाले । त्यस्तै डिसिएका युवा स्पिनर तथा नेशनल क्रिकेटर भुवन कार्कीका भाई प्रकाश कार्कीले ७ ओभरमा २३ रन दिएर १ विकेट लिए । भने अमन पन्थिले ७.५ ओभरको स्पेलमा १५ रन दिएर २ मेडन राख्दै १ विकेट लिदै एनसिएसलाई मध्यम स्कोरमा रोक्न सफल रहे ।
