काठमाडौ, फागुन २९
१२औं दक्षिण एसियाली खेलकुद साग अन्तर्गत फुटबलमा स्वर्णपदक बिजेता खेलाडी बिमल घर्तीमगर र नवयुग श्रेष्ठ सम्मानित भएका छन् ।
पेप्सीकोलास्थित नेक्सस् इन्टरनेशनल एकेडेमीले शनिबार कार्यक्रम गरी सागमा स्वर्ण पदक दिलाउन महत्वपुर्ण योगदान गरेका फुटबल खेलाडीद्धय बिलम घर्तीमगर र नवयुग श्रेष्ठ र राष्ट्रिय टिमका गोलकिपर प्रशिक्षक उपेन्द्रमानसिंहलाई पनि सम्मान गरेको हो । एकेडेमीले सम्मानित खेलाडी तथा प्रशिक्षकलाई जनही नगद ११ हजार १ सय ११ रुपैंया र कदरपत्रले सम्मान गरेको थियो । सागमा नवयुगले सर्वाधिक ७ गोल गर्दै नेपालले २३ वर्षपछि सागमा स्र्वण पदक दिलाउन महत्वपुर्ण भुमिका खेलेका थिए । नेपालले दुई महिनाको अवधिमा दुई उपाधि जित्दा विमलको भूमिका महत्वपूर्ण रहेको थियो । त्यस्तै, नेपालले बंगबन्धु गोल्डकपको उपाधि जित्दा उपेन्द्रमान सिंह गोलकिपर प्रशिक्षक थिए ।
नेपालले फूटबलमा केही गर्न सक्छ भन्ने सन्देश दिन विमल र नवयुग जस्ता खेलाडीको कदर गर्दै सम्मान गरेको एकेडेमीका प्रिन्सिपल आर बी कट्वालले बताए ।
