काठमाडौं (हाम्रो खेलकुद)– आयोजक सेन्ट जेभियर्स गोदावरीले फादर मोरन स्मृति फुटबल प्रंतियोगिताको उपाधि जितेको छ । लिटिल एन्जल्स स्कुल हात्तिबनलाई शनिबार टाइब्रेकरमा ४–३ ले हराउँदै आयोजक टोली च्याम्पियन बनेको हो ।
सेन्ट जेभियर्सको मैदानमा भएको खेलको निर्धारित ६० मिनेट गोलरहित बराबरीमा टुंगिएपछि पेनाल्टीमा आयोजक टोलीले बाजी मारेको हो । सेन्ट जेभियर्सका गोलकिपर शुभम सिलवाल फाइनल अफ दी म्याच चुनिए ।
मोरान मेमोरियल स्कुल महेशपुर झापा प्रतियोगितामा तेस्रो भएको छ । आजै भएको खेलमा मोर्डन इन्डियन स्कुललाई ४–२ ले हराउँदै मोरान मेमोरियल तेस्रो भएको हो । मोरानका लागि सबै ४ गोल युवराज राजवंशीले गरे । मोर्डनका लागि सबल महर्जन र जेनिश दवाडले समान १ गोल गरे ।
मोर्डनका सबल महर्जन खेलको म्यान अफ दी म्याच घोषित भए । मोर्डन स्कुल फेयर प्ले टोली पनि घोषित भएको थियो । लिलिट एन्जल्सका प्रसुन तुलाधर प्रतियोगिताका सर्वोत्कृष्ट खेलाडी घोषित भए ।
सेन्ट जेभियर्स गोदावरीका शुभम सिलवाल उत्कृष्ट गोलकिपर, लिटिल एन्जल्सका सुरज तामाङ उत्कृष्ट रक्षक, मोर्डनका बेदराज ढुंगाना उदयीमान खेलाडी तथा आयोजक टोलीका ज्ञान गुरागाई उत्कृष्ट प्रशिक्षक घोषित भए । मोर्डनका युवराज राजवंशी १६ गोलसहित प्रतियोगिताका उच्च गोलकर्ता बने ।
प्रतियोगितामा १६ टोलीको सहभागिता थियो । मुख्य अतिथि मुरली शर्मा, सेन्ट जेभियस स्कुलका प्रिन्सिपल सामुयल सिमिकलगायतले विजेता, उपविजेता, तेस्रो र चौथो टोलीका खेलाडीलाई पुरस्कृत गरे ।
