काठमाडौं (हाम्रो खेलकुद) – भारतको मुम्बईमा आयोजना हुने एशिया कप चौंथो अन्तरास्ट्रिय कराते प्रतियोगितामा सहभागी हुन शनिबार त्यसतर्फ प्रस्थान गर्ने भएको छ ।
कराते टोलीलाई राष्ट्रिय खेलकुद परिषद्का सदस्य एवं नेपाल कराते महासंघका तथा नेपाल सितोरियो कराते संघका अध्यक्ष दाबा गुरुङले खेलाडीहरुलाई सफलताको शुभकामना व्यक्त गर्दै शुक्रबार बिदाई गरे ।
प्रतियोगिता डिसेम्बर २३ र २४ सम्म आयोजना हुने छ । ११ सदस्यीय नेपाली टोलीको नेतृत्व नेपाल सितोरियो कराते संघका सचिव तथा प्रवक्ता गजेन्द्रबहादुर खपाङ्गी ‘ईश्वर’ ले गरेका छन् ।
प्रतियोगितामा चिल्ड्रेन ९ देखि १० वर्ष उमेर समुहमा रेहन जावेद, ४५ केजी तौल समुहमा वाङचुक तामाङ, ५५ केजीमा रामविश्वास राउत कुर्मी, ७५ केजीमा सोनम बलामी तथा महिला तर्फ ५० केजीमा दिलासा श्रेष्ठ र ५५ केजी तौल समुहमा रश्मिता श्रेष्ठले प्रतिस्पर्धा गर्नेछन् ।
यसैगरी निर्णायक शुरेन्द्र श्रेष्ठ, अफिसियल पुष्पराज गिरी, मोहम्मद जावेद मुशलमान र अस्मा बानु र व्यवस्थापक रामबहादुर गुरुङसहितको टोली प्रतियोगितामा सहभागी हुँदैछन् ।
