काठमाडौं- जीवनराम श्रेष्ठ लगातार तेस्रो कार्यकालका लागि नेपाल स्की संघको अध्यक्षमा निर्विरोध निर्वाचित भएका छन् । नेपाल ओलम्पिक कमिटी (एनओसी) का अध्यक्ष रहेका श्रेष्ठ यसअघि पनि निर्विरोध निर्वाचित हुँदै आएका छन् ।
स्कीको नवनिर्वाचित कार्यसमिति ।
अन्य सबै पदमा निर्विरोध भयो । आइतबार एनओसी मुख्यालय सातदोबाटोमा १० सदस्यसीय कार्यसमिति चयन भएको छ । राजुबाबु श्रेष्ठ, ईश्वरी पौडेल उपाध्यक्षमा चयन भए । त्यसैगरि महासचिवमा विजय श्रेष्ठ निर्विरोध निर्वाचित भए भने सचिवमा बसन्त राज कार्की, कोषाध्यक्षमा जितेन्द्र श्रेष्ठ निर्वाचित भए ।
सदस्यहरुमा शान्ता माया परियार, यामबहादुर बम, रामप्रसाद गुरुङ, रामप्रसाद गुरुङ, अर्जुन महर्जन निर्वाचित भए । त्यसैगरि आइतबार नै कार्यसमितिले तीन जना उपाध्यक्ष मनोनयन गरेको छ । यसरी मनोनित हुने उपाध्यक्षहरुमा राजा शाक्य, शम्भु लामा, माधव आर्याल छन् ।
त्यसैगरि साधारणसभाले संघको बजेटसमेत पास गरेको थियो । भने पत्येक बर्ष राष्ट्रिय स्की च्याम्पियनसिप गर्दै जाने निर्णय समेत गरेको छ । त्यसैगरि ककनीमा बनाउने भनिएको ग्रास स्की रिसोर्टलाई अगाडी बढाउने विषयमा समेत निर्णय भएको छ ।
