काठमाडौं- त्रिपुरेश्वरस्थित दशरथ रंगशालामा प्रतिस्पर्धात्मक फुटबल हुन छाडेको बर्ष दिन नाघ्न लागि सक्यो । गत बर्ष वैशाख १२ गतेका लागि तय भएको क्षेत्रिय एसियाली छात्रा यू १४ फुटबलको फाइनल विनाशकारी भूकम्पकका कारण स्थगित गरिएको थियो ।
भूकम्पले पुर्नर्निमार्ण भइरहेको रंगशालामा पनि क्षेति पु¥याएको थियो । त्यसपछि रंगशालामा मैत्रीपूर्ण फुटबल बाहेक कुनै औपचारिक प्रतियोगिता भएको छैन । असोजमा पूर्व प्रधानमन्त्री सुशिल कोइरालाको अन्तिम श्रद्धान्जलीका लागि उनको पार्थीव शरीर रंगशालामै राखिको थियो । अन्य केही कार्यक्रम पनि रंगशालाको मैदानमा हुने गर्छन् । यपटक भने नयाँ बर्षको अवसरमा भन्दै नेपाल रिंग रेस्लिङ संघले प्रथम अन्तर्राष्ट्रिय रेस्लिङ प्रतियोगिता आयोजना गर्ने जनाएको छ । रेस्लिङ शनिबार दिउसो हुनेछ ।
आयोजकले प्रधानमन्त्री केपी ओलीले प्रतियोगिताको उद्घाटन गर्ने जनाएका छन् । प्रतियोगिता हेर्न १ हजार, ५ सय र ३ सयको टिकट तर तोकिएको छ । प्रतियोगितामा जापान, मंगोलिया, म्याक्सिको, अमेरिका, न्युजिल्यान्ड, बेलायतका पुरुष र महिला रेसलर राजधानी आइसकेको बताइएको छ । संघले बिहीबार पत्रकार सम्मेलन गर्दै प्रतियोगिताका लागि नेपालका रेस्लर नुवाकोटे टाइगर, कोजु, युग, बाबा बोइ, कोब्रालगायतले प्रतिस्पर्धा गर्ने बताइएको छ । प्रतियोगितामा तीन खालका प्रतिस्पर्धा हुने बताइएको छ । ट्याग टिम (२ का विरुद्ध २ ले खेल्ने २, ३ का विरुद्ध ३ ले खेल्ने ) र एकल फाइनल फाइट हुने जनाइएको छ ।
