काठमाडौं (हाम्रो खेलकुद) – टर्किस एयरलाइन्स गल्फ प्रतियोगिता अर्काे शनिबार हुने भएको छ ।

आयोजकले मंगलबार राजधानीमा पत्रकार सम्मेलनको अयोजना गर्दै कर्पाेरेट क्षेत्रको सबैभन्दा ठुलो गल्फ प्रतियोगिता काठमाडौंमा ११ मार्चमा हुने जानकारी गराएको हो ।

प्रतियोगितामा १०० गल्फरको सहभागिता रहने आयोजकले अनुमान गरेको छ । प्रतियोगिताको लागि रोयल नेपाल गल्फ क्लब, पोखरा र धरानको लागि पनि कोटा छुट्याइएको छ ।

प्रतियोगिता १८ होलमा हुनेछ । प्रतियोगिताको विजेताले टर्कीको अन्टालयमा हुने टर्किस एयरलाइन्स वल्ड गल्फ कप प्रतियोगितामा सहभागिता जनाउन पाउनेछन् । टर्किस एयरलाइन्स वल्ड गल्फ कप आगामी नोभेम्बर पहिलो साता हुनेछ ।