काठमाडौं हाम्रो खेलकुद) – अन्नपूर्ण होटल दरवारमार्गले एपीएफका महिला भलिबल खेलाडीलाई सम्मान गरेको छ ।

शुक्रवार अन्नपूर्णका प्रमुख कार्यकारी अधिकृत राजु बिक्रम शाहले आफु खेलप्रेमी भएको भन्दै खेलाडी राष्ट्रका गौैरब हुन, सबै क्षेत्रबाट खेल विकासका लागि सहयोग आवश्यक रहेको बताए ।

राष्ट्रिय खेल भलिबलको विकास विस्तारका लागि हातेमालो गर्न हाम्रो संस्था सदैब तयार छ । नेपाल भलिबल संघका अध्यक्ष मनोरञ्जन रमण शर्माले खेलाडीको सम्माननै राष्ट्र प्रतिको सम्मान हो भन्ने हामीले ठानेका छौं । अन्नपूर्ण होटल प्रति नेपाल भलिबल संघ आभार ब्यक्त गर्दछ ।

शेरवहादुर खड्का स्मृति प्रतिष्ठानको आयोजनामा संचालन भएको पाँचौं केएनपी खुला महिला भलिबल प्रतियोगिताको बिजेता टिम एपीएफलाई अन्नपूर्ण होटलले सम्मान तथा लन्चको आयोजना गरेको हो ।

नेपाली टिमकी कप्तान समेत रहेकी एपीएफकी कप्तान बिनिता बुढाथोकीले खेलाडीलाई यस प्रकारको सम्मानले नयाँ अनुभवका साथै उत्साहित बनाउने बताईन् ।

एपीएफकै खेलाडी रेश्मा भण्डारीले यो हाम्रो लागि पहिलो अवसर भएको बताउदै भनिन्– हामी उत्साहित भएको छौं पाँचतारे होटलका परिकार लिने अवसर पायौं ।