काठमाडौं (हाम्रो खेलकुद) – आयोजक समाज कल्याण खेलकुद केन्द्र क्लब एकेडेमी (एसडब्लुएससी) नयाँ बजार र अल प्लेयर फुटबल डटकम १३औं संस्करणको सुजन मेमोरियल सिक्स ‘ए’ साइड फुटबल प्रतियोगिताको प्रि–क्वाटरफाइनलमा प्रवेश गरेका छन् ।

नयाँबजार धारास्थित सोसल ग्राउन्ड आइ ब्लक टाउन प्लानिङको खुल्ला खेल मैदानमा शनिबार भएको खेलमा अल प्लेयर फुटबल डटकमले फरेस्ट किङलाई पेनाल्टी सुटआउटमा २–१ ले पराजित गर्दै अन्तिम १६ मा पुग्न सफल भयो ।

दोस्रो खेलमा आयोजक एसडब्लुएससी एकेडेमीले फ्रिडम फाइटरलाई १–० ले पराजित गर्दै प्रि–क्वाटरफाइनलमा पुग्न सफल भयो ।
समाज कल्याण खेलकुद केन्द्र क्लब (एसडब्लुएससी) नयाँ बजारको आयोजनामा जारी १३औं संस्करणको फाइनल ९ कात्तिकमा हुनेछ । प्रतियोगितामा आयोजको ३ टोलीसहित काठमाडौं भ्यालीका ३३ टिमको सहभागिता रहेको छ ।

प्रतियोगिताको विजेताले ८० हजार रुपैया तथा दोस्रो हुनेले ४० हजार रुपैया हात पार्नेछन् । उत्कृष्ट खेलाडी, सर्वा्धिक गोलकर्ता र फेयर प्ले टिमलाई पनि पुरस्कारको व्यवस्था गरिएको छ ।क्वाटरफाइनलका खेलपछि म्यान अफ दि म्याचको पुरस्कार प्रदान गरिने आयोजकले जनाएको छ ।

सुजन गिरी मनाङ–मस्र्याङ्दी क्लब २०६२–०६३ सिजनको जुनियरतर्फको कप्तान रहेका थिए । तिनै युवा प्रतिभाशाली खेलाडी सुजनको सम्झनामा हरेक वर्ष प्रतियोगिता आयोजना गर्दै आइरहेको छ ।