काठमाडौं (हाम्रो खेलकुद) – तेश्रो समृद्ध रुकुम फिडे रेटिङ अन्तर्राष्ट्रिय चेस प्रतियोगितामा साविक विजेता सुमित पन्तले उपाधि रक्षाको सम्भावना यथावत् राखेको छ । 

खराव सुरुवात गरेको सुमितले दोस्रो चरणमा नै पराजय बेहारेपनि राम्रो कमब्याक गरेका हुन् । आठ चरणको समाप्तिमा सुमित र ऋषभ निसादको समान ६.५ अंक छ । सातौ चरणमा राजन सुबेदीसँग बराबरी गरेका सुमितले आठौ चरणमा डब्लुएफएम विधार रुदुम्बरालाई हराएकी हुन् । सातौ चरणमा बद्री लाल नेपालीलाई हराए पछि रुदुम्बराको अग्रता रहेको थियो । ऋषभले सातौ चरणमा मिलन लामालाई पराजित गरेका हुन् ।

प्रतियोगितामा रुदुम्बरा सहित मदनकृष्ण कायस्थ र कृष्ण थापाको ६ अंक छ । आठौ चरणमा मदनले नविन तण्डकाुर तथा कृष्णले खोम प्रसाद तिमल्सीनालाई हराएका हुन् । यसैगरी, मिलन लामा, राजन सुबेदी, नविन तण्डुकार,आशिष फुयौल, सुरविर लामा, बद्रीलाल नेपाली, सुमन राइ र विवेक श्रेष्ठको ५.५ अंक छ ।

स्वीस लिग चरणमा नौ चरणमा सञ्चालन हुने प्रतियोगितामा नेपाल र भारतका गरी ६६ जना खेलाडीको सहभागिता रहेको छ । शनिबार सम्पन्न हुने प्रतियोगिताको विजेताले ५० हजार रुपैया पुरस्कार पाउनेछन् ।