4 years ago
December 29, 2019
काठमाडौं (हाम्रो खेलकुद) – नेपाली राष्ट्रिय पुरुष भलिबल टिम तथा विभागीय त्रिभुवन आर्मी क्लबका स्पाइकर मानबहादुर श्रेष्ठसम्मिलित गुडिस स्पोर्ट्स क्लबले माल्दिभ्सको राष्ट्रिय भलिबल लिगमा दोस्रो जित निकालेको छ ।
माल्दिभ्सको मालेस्थित सोसियल सेन्टर इन्डोर हलमा शनिबार राति भएको खेलमा मानबहादुर सम्मिलित गुडिस स्पोर्ट्स क्लब पुलिस क्लबलाई ३–१ को सेटमा पराजित गर्दै दोस्रो जित निकालेको हो । पहिलो खेलमा पोर्ट्स क्लब हक्सलाई ३–० को सोझो सेटमा पराजित गरेको गुडिसले दोस्रो खेलमा दिहेवी सिफेंगे क्लबसँग २५–१७, २५–१९ र २५–२१ को सोझो सेटमा पराजित भएको थियो ।
निकै नै प्रतिस्पर्धात्मक बनेको पहिलो सेट गुडिसले २४–२४ ले गुमाएपनि त्यसपछि उत्कृष्ट पूनरागमन गर्दै जित निकाल्न सफल भयो । दोस्रो सेट २५–१८ ले आफ्नो पक्षमा पार्दै खेललाई १–१ सेटको बराबरीमा ल्याए । तेस्रो सेटमा २५–२० को जित निकाल्दै खेलमा २–१ को अग्रता लिन सफल भयो । चौथो सेट पनि २५–१७ ले आफ्नो पक्षमा पार्दै खेल गुडिसले ३–१ ले आफ्नो पक्षमा पार्न सफल भयो ।
अब गुडिसले आइतबार स्पोर्ट्स क्लब सिटीसँग प्रतिस्पर्धा गर्दैछ । मानबहादुरले अघिल्लो सिजन स्पोर्टस् क्लब सिटीबाट खेलेका थिए । माल्दिभ्स भलिबल लिगमा सहभागी टिमले दुई विदेशी खेलाडी राख्न पाइने प्रावधान अनुसार मानबहादुर गुडिसमा आबद्ध भएका हुन् । माल्दिभ्सको लिग डिसेम्बर २५ देखि जनवरी १२ सम्म चल्नेछ ।
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 6, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोली इङ्ल्यान्ड ‘सि’ सँग पराजित भएको छ । इङ्ल्यान्ड नेसनल लिग टोली एल्डरसट टाउनको घरेलु मैदान इबीबी स्टेडियममा सोमबार भएको खेलमा नेपाल २-० ले पराजित भएको हो । नेपाल खेलको सुरुवाती समयका नै दुई गोलले पछि परेको थियो। इंग्लिस टोलीका लागि आठौं मिनेटमा निक काबाम्बाले […]