एजेन्सी – विश्वविजेता फ्रान्स र पहिलो संस्करणको नेसन्स लिग विजेता पोर्चुगल युइएफए नेसन्स लिगको एकै समूहमा परेका छन् । युइएफएले २०२०÷२१ सिजनको लागि मंगलबार राति सार्वजनिक गरेको ‘ड्र’को लिग ‘ए’ को ग्रुप ३ मा फ्रान्स र पोर्चुगल एकै समूहमा परेको हो ।

यो समूहमा स्वीडेन र क्रोएसिया पनि रहेका छन् । यो समूहलाई ‘ग्रुप अफ डेथ’ को रुपमा हेरिएको छ ।  युइएफएले नेसन्स लिगको लागि युरोपका ५१ देशलाई ४ ग्रुपमा विभाजन गरेका छन् । चार समूह भित्र विभिन्न समूहहरु बनाइएका छन् ।

यस्तै लिग ‘ए’ को ग्रुप १ मा पोल्यान्ड, बोस्निया हर्ज गोभिना, इटाली र नेदरल्यान्ड रहेका छन् । ग्रुप २ मा आइसल्यान्ड, डेनमार्क, बेल्जियम र इंग्ल्यान्ड परेका छन् । यो समूहलाई ‘ग्रुप अफ डेथ’ को रुपमा हेरिएको छ । ग्रुप ४ मा जर्मनी, युक्रेन, स्पेनर स्वीट्जरल्यान्ड रहेका छन् ।

लिग ‘बी’ को ग्रुप १ मा रोमानिया, नर्दन आयरल्यान्ड, नर्वे र अष्ट्रिया छन् । ग्रुप २ मा इजरायल, स्लोभाकिया, स्कटल्यान्डर चेक रिपब्लिक छन् । ग्रुप ३ मा हंगेरी, टर्की, सर्विया र रसिया छन् । ग्रुप ४ मा बुल्गेरिया, रिपब्लिक अफ आयरल्यान्ड, फिनल्यान्ड र वेल्स छन् ।

लिग ‘सी’को ग्रुप १ मा अजरवैजान, लक्जेमवर्ग, साइप्रस र मोन्टेनेग्रो छन् । ग्रुप २ मा अर्मेनिया, इस्टोनिया, नर्थ म्यासेडोनिया र जर्जिया छन् । ग्रुप ३ मा माल्दोभा, स्लोभेनिया, कोसोभो र ग्रीस छन् । ग्रुप ४ मा काजकस्तान, लिथुनिया, बेलारुस र अल्वानिया छन् ।

लिग ‘डी’ अन्तरगत ग्रुप १ मा माल्टा, एन्डोरा, लात्भिया र फारोह आइल्यान्ड रहेका छन् । ग्रुप २ मा सान मारिनो, लिचेस्टाइन र गिब्राल्टर रहेका छन् ।

चार समूहका विजेताले सेमिफाइन्लमा स्थान बनाउनेछ । नेसन्स लिगमा बढुवा र घटुवाको प्रावधान रहेको छ । लिग ‘ए’ बाहेकको राष्ट्रले फाइनल खेल्ने राष्ट्र बढुवा हुनेछ । लिग ‘ए’ र ‘बी’ को पुछारमा रहने टोली घटुवा हुनेछ । उनीहरुले प्ले आउट खेल्दै नेसन्स लिगको शीर्ष समूहको लागि प्रतिस्पर्धा गर्नुपर्ने हुन्छ । जित्ने टोली लिग ‘ए’ र ‘बी’ मा बढुवा हुनेछ । पराजित टोली लिग ‘डी’ मा हुनेछ ।

नेसन्स लिगको दोस्रो संस्करण सेप्टेम्वरदेखि नोभेम्वरसम्म हुनेछ । तर, आयोजक राष्ट्र तोकिएको छैन । पहिलो संस्करणमा पोर्चुगलले नेदरल्यान्डलाई २–१ ले पराजित गर्दै उपाधि जितेको थियो ।