एजेन्सी – इंग्लिस प्रिमियर लिगमा आज आइतबार राति ३५औं चरणका विभिन्न चार खेलमा प्रतिस्पर्धा हुदैछ । शीर्ष चारको दौडमा रहेको लेस्टर सिटीले बर्नमाउथको सामना गर्दा टोटेनहम हस्टपर र आर्सनल, वल्भ्स र एभर्टन तथा एस्टन भिल्ला र क्रिस्टल प्यालेसबीच प्रतिस्पर्धा हुँदैछ ।

बर्नमाउथ र लेस्टरबीचको खेल नेपाली समयअनुसार राति ११ः४५ बजे प्रतिस्पर्धा हुनेछ । चौथो स्थानको लेष्टर बर्नमाउथको मैदानमा उत्रदा शीर्ष तीनमा पुग्ने लक्ष्यमा हुनेछ । बर्नमाउथलाई पराजित गरेमा लेष्टरले चेल्सीलाई २ अंकले पछि पार्दै तेस्रो स्थानमा उक्लनेछ । बराबरीले पनि लेस्टरले गोल अन्तरमा चेल्सीलाई पछि पार्नेछ । हारले चौथो स्थानमा नै खुम्चनेछ ।

यता, रेलिगेसन जोनमा रहेको बर्नमाउथ पनि लेस्टरलाई पराजित गर्दै रेलिगेसन बचाउने लक्ष्यमा मैदानमा उत्रनेछ । चौथो स्थानको लेस्टरको ५९ तथा तेस्रो स्थानको चेल्सीको ६० अंक छ । रेलिगेसन जोनमा रहेको बर्नमाउथको २८ अंक रहेको छ ।

यस्तै अर्काे खेलमा टोटेनहमले घरेलु मैदानमा आर्सनलको सामना गर्नेछ । ४९ अंक जोडेको टोटेनहम १०औं स्थानमा रहेको छ । ५० अंक जोडेको आर्सनल आठौं स्थानमा रहेको छ । यस्तै वल्भ्सले घरेलु मैदानमा एभर्टनसँग तथा एस्टन भिल्लाले क्रिस्टल प्यालेससँग प्रतिस्पर्धा गर्नेछ ।