3 years ago
November 30, 2020
काठमाडौं (हाम्रो खेलकुद) – अन्तर्राष्ट्रिय भलिबल रेफ्री क्यान्डिडेट कुल बहादुर राना अन्तर्राष्ट्रिय भलिबल रेफ्रीमा बढुवा भएका छन् । फेडेरेसन अफ इन्टरनेसनल भलिबल (एफआइभीबी) ले राना अन्तर्राष्ट्रिय भलिबल रेफ्रीमा बढुवा भएको जानकारी पत्र पठाएको नेपाल भलिबल संघका महासचिव जितेन्द्र बहादुर चन्दले जानकारी गराए । यस्तै चन्द्र बदना राई पनि अन्तर्राष्ट्रिय भलिबल रेफ्रीमा बढुवा हुने प्रक्रियामा रहेको […]
काठमाडौं (हाम्रो खेलकुद) – अन्तर्राष्ट्रिय भलिबल रेफ्री क्यान्डिडेट कुल बहादुर राना अन्तर्राष्ट्रिय भलिबल रेफ्रीमा बढुवा भएका छन् ।
फेडेरेसन अफ इन्टरनेसनल भलिबल (एफआइभीबी) ले राना अन्तर्राष्ट्रिय भलिबल रेफ्रीमा बढुवा भएको जानकारी पत्र पठाएको नेपाल भलिबल संघका महासचिव जितेन्द्र बहादुर चन्दले जानकारी गराए ।
यस्तै चन्द्र बदना राई पनि अन्तर्राष्ट्रिय भलिबल रेफ्रीमा बढुवा हुने प्रक्रियामा रहेको संघले जनाएको छ । राई पनि बढुवा भएको अवस्थामा नेपालबाट तीन जना अन्तर्राष्ट्रिय भलिबल रेफ्री हुने महासचिव चन्दले बताए । धेरै राष्ट्रमा अन्तर्राष्ट्रिय रेफ्री नरहेको अवस्थामा नेपालले अन्तर्राष्ट्रिय रेफ्री उत्पादन गर्नु ऐतिहासिक कुरा रहेको उनले थपे ।
राना गौतम लासिवा पछि एफआइभीबीबाट आधिकारिक अन्तर्राष्ट्रिय भलिबल रेफ्री बन्ने दोस्रो रेफ्री बनेका छन् । एफआइभीबीको बोर्ड प्रशासनले नोभेम्वरको सुरुवातमै रानालाई अन्तर्राष्ट्रिय भलिबल रेफ्रीमा बढुवा गरेको उल्लेख गरेको छ ।
रानाले सन् २०१४ मा जापानमा भएको एसियन सिनियर वुमन्स भलिबल च्याम्पियनसिपमा म्याच खेलाउनुको साथै कोर्स गर्दा चन्द्रबदनाले श्रीलंकामा एसियन च्यालेन्ज कपमा म्याच खेलाउनुको साथै कोर्स गरेकी थिइन् ।
बढुवाका लागि एसियन गेम्स वा एसियन च्याम्पियनसिप अथवा एभीसीको आधिकारिक खेलहरु कम्तीमा पनि दुई खेल खेलाउनुपर्ने प्रावधान छ । अन्तर्राष्ट्रिय रेफ्री क्यान्डिडेटको अवधि ५ वर्षसम्म हुने ५ वर्षभित्र अन्तर्राष्ट्रिय खेल खेलाएर अन्तर्राष्ट्रिय रेफ्री बनिसक्नुपर्ने नभए खारेज हुने छ ।
नेपालमा पुर्ण प्रसाद चौलागाईं, बिकास गुरुङ, टहल सिंह थापा र विजयी केसी गरी चार जना एसियन रेफ्री क्यान्डिडेट रहेका छन् । उनीहरुले अन्तर्राष्ट्रिय खेललाई रिफरिङ गर्न पाउने छन् तर, उनीहरु एसियन रेफ्री हुन् ।
एसियन रेफ्री क्यान्डिडेटको लागि एसियन भलिबल कन्फेडेरेसन (एभीसी) ले पहिले अन्तर्राष्ट्रिय रेफ्री क्यान्डिडेटको कोर्स गर्ने गरेको र अहिले एफआइभीबीले अन्तर्राष्ट्रिय रेफ्री क्यान्डिडेटलाई पोस्टपोन्ड गर्दै एसियन रेफ्री क्यान्डिडेटलाई ओपन गरेको छ । त्यसअनुसार संघलाई २ वटासम्म कोटा दिनेछन् ।
April 29, 2024
काठमाडौं (हाम्रो खेलकुद) – सहिद स्मारक सि डिभिजन लिगमा सोमबार सम्पन्न खेलमा मनोहरा युनाइटेड युथ क्लब खालीबारी युथ क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा मनोहराले सानेपा क्लब माथि २-१ को जित निकाल्यो । मनोहराका लागि विवस मगर र लिला बहादुर थापा मगरले एक-एक गोल गरे । यस्तै निराजन जंग […]
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]