काठमाडौं (हाम्रो खेलकद) – नेपाली राष्ट्रिय पुरुष भलिबल टिमका महत्वपुर्ण सदस्य धन बहादुर भट्ट नेपाली सेनाको जमदार पदमा बढुवा भएका छन् ।
त्रिभुवन आर्मी क्लबका महत्वपुर्ण स्पाइकर समेत रहेका धन बहादुर हवल्दारबाट जमदारमा बढुवा भएका हुन् । धनलाई सेनाका प्राविधिक महासेनानी किशोर कुमार श्रेष्ठले दर्जान्ही चिन्ह प्रदान गरेका थिए ।
२०७२ देखि राष्ट्रिय टोलीमा नियमित रहेका भट्ट गत वर्ष नेपालमा सम्पन्न १३औं सागमा टिमका मुख्य खेलाडी थिए । यस्तै नेपालले २०१७ मा माल्दिभ्समा भएको एभीसी एसियन सेन्ट्रल जोन सिनियर पुरुष भलिबल च्याम्पियनसिपमा ऐतिहासिक कास्यपदक जित्दा धन बहादुर टोलीका महत्वपुर्ण सदस्य रहेका थिए ।
गोरखा स्थायी घर भएका भट्ट २०७२ मा सेनाको प्राविधिकमा नाम निकाल्दै आर्मीको स्थायी खेलाडी बनेका थिए । त्यसअघि उनी केही समय एपीएफमा करारमा रहेका थिए ।
