काठमाडौं (हाम्रो खेलकुद) – नेपाल ओलम्पिक कमिटी (एनओसी) र नेपाल ओलम्पिक संग्राहलयबीच भएको सम्झौता अनुसार नेपाली खेलकुदको डिजिटल अभिलेखिकृत प्रोजेक्ट ‘२०२०–२०२१’ सुरु भएको छ एनओसीले जनाएको छ ।

अन्तर्राष्ट्रिय ओलम्पिक कमिटी (आइओसी) को आईओसी ओलम्पिक सोलिडारिटी कार्यक्रम अन्तर्गत हुन प्रोजेक्ट हुन लागेको एनओसीले जनाएको छ । त्यसका लागि सोलिडारिटी कार्यक्रमले आर्थिक अनुदान प्रदान गर्ने एनओसी अध्यक्ष जीवनराम श्रेष्ठले जनाएका छन् ।

एनओसी र ओलम्पिक संग्रहालयबीच यसै वर्षको मार्चमा औपचारिक सम्झौता भएको थियो । अगस्टबाट काम सुरु भइसकेको आइतबार आयोजित कार्यक्रममा एनओसीले जनाकारी दिएको थियो ।

नेपाली खेलकुदको इतिहासको अभिलेखिकरणको औपचारिक प्रयास पहिलो पटक सुरु भएको उल्लेख गर्दै एनओसीले नेपाली खेलकुदको इतिहास अभिलेखिकृत गरेर नयाँ पुस्ताका लागि हस्तान्तरण गर्ने प्रयास थालिएको एनओसीले जनाएको छ ।

नेपाली खेलकुदको इतिहास अहिलेसम्म व्यवस्थित ढंगले समेट्न प्रयास नभएकाले त्यसलाई परिपूर्ति प्राजेक्टमार्फत गर्ने प्रयास गरिएको बताइएको छ । ओलम्पिक संग्रहालयले आफ्नो पहलमा यसअघि नेपाली खेलकुदको सुरुआती अवस्थादेखि हालसम्मको खेलकुद गतिविधि, सहभागिता र उपलब्धीबारे अभिलेख राख्दै आएको छ । क्षितिजअरुण श्रेष्ठको अध्यक्षतामा सग्रालयले काम गर्दै आएको छ ।

ती अभिलेखलाई अब ‘डिभिटल आर्काइभ’ मा सुरक्षित गरिने प्रयास स्वरुप खेलाडी र खेल संघबारे जानकारी संकलन गरिनेछ बताइएको छ । नेपालमा खेलको सुरुआत कसरी भयो, खेलकुद ऐनसँग सम्बन्धित दस्तावेज, एनओसीकैे इतिहास, अन्तर्राष्ट्रिय प्रतियोगितामा नेपालको प्रदर्शनसँगै नेपाली खेलकुदसँग सम्बन्धित तस्बिर र भिडियोको संकलन गरिने एनओसीले जनाएको छ ।

आर्काइभमा एनओसीमा आवद्ध खेललाई बढी प्राथमिकता राखिने उल्लेख गर्दै नेपाली खेलकुदको इतिहासले ‘डिभिटल आर्काइभ’ का रूपमा एक निश्चित आकार लिने एनओसीले विश्वास गरिएको छ ।