3 years ago
February 15, 2021
बुटवल (हाम्रो खेलकुद) – होङ्वान्जी न्यु डायमन्ड एकेडेमी, एभरेस्ट स्कुल, न्यु होराइजन स्पोर्ट्स क्लब र कुँवरवर्ती इंग्लिस बोर्डिङ स्कुल कपिलवस्तुमा जारी प्रथम हिलबर्ट महिला भलिबल च्याम्पियनसिपको सेमिफाइनलमा प्रवेश गरेका छन् ।
वाणगंगा नगरपालिका वडा नम्वर २ पिपरास्थित हिलबर्ट इंग्लिस बोर्डिङ स्कुलको कोर्टमा सोमबार भएको क्वाटरफाइनलमा काठमाडौं चन्द्रागिरीस्थित पुरानो नैकापको न्यु डायमन्ड एकेडेमीले कुँवरवर्ती इंग्लिस बोर्डिङ स्कुल बुटवलको ‘सेतो’ लाई ३–० को सोझो सेटमा पराजित गर्दै अन्तिम चारको यात्रा तय गरेको हो ।
एकपक्षीय बनेको खेलमा डायमन्डले पहिलो सेट २५–५ ले सहजै आफ्नो पक्षमा पारेको डायमन्डले आफ्नै गल्तीमा दुई अंक गुमाउदा दोस्रो सेट २५–२ को सेटमा विजयी भएको थियो । तेस्रो सेटमा नयाँ खेलाडीलाई मौका दिदा खेल केही रोमाञ्चक बन्दा डायमन्ड २५–९ ले विजयी हुन सफल भयो ।
अर्काे क्वाटरफाइनलमा न्यु होराइजनले शान्त भलिबल ट्रेनिङ सेन्टर पोखरालाई ३–० को सोझो सेटमा पराजित गर्दै सेमिफाइनलमा स्थन बनाउन सफल भयो । होराइजनले शान्त भलिबलमाथि २५–७, २५–१७ र २५–१५ को जित निकालेको थियो ।
यस्तै अर्काे क्वाटरफाइनलमा एभरेष्ट बोर्डिङ स्कुल बुटवलले आयोजक हिलबर्ट इंग्लिस बोर्डिङ स्कुलमाथि २५–१५, २५–१३ र २५–२२ को सहज जित निकाल्दै सेमिफाइनलमा कुँवरवर्ती इंग्लिस बोर्डिङ स्कुलसँगको भेट पक्का गरेको छ । कुँवरवर्तीले दिप इंग्लिस बोर्डिङ स्कुललाई २५–६, २५–११ र २५–९ को सोझो सेटमा हराएको थियो ।
अब सेमिफाइनल मंगलबार हुने आयोजकले जनाएको छ । पहिलो सेमिफाइनल बिहान ८ बजे कुँवरवर्ती र एभरेष्टबीच तथा दोस्रो सेमिफाइनलमा होङ्वान्जी न्यु डायमन्ड एकेडेमी र न्यु होराइजन स्पोर्ट्स क्लबबीच बिहान १० बजे प्रतिस्पर्धा हुनेछ । मंगलबार नै फाइनल तथा तेस्रो स्थानको लाथि पनि खेल हुने आयोजकले जानकारी गराएको छ ।
प्रतियोगिताको विजेताले १ लाख रुपैयाँ हात पार्नेछन् । दोस्रो हुने टोलीले ७० हजार, तेस्रोले ४० हजार तथा चौथोले २० हजार रुपैयाँ हात पार्नेछन् । प्रतियोगिताको उत्कृष्ट खेलाडीले ५ हजार रुपैयाँ प्राप्त गर्नेछन् । यस्तै व्यक्तिगत विधातफै सेटर, ब्लकर, स्पाइकर, डिफेन्डर, सर्भर, प्रशिक्षक र अनुशाषित खेलाडीले समान ३–३ हजार प्राप्त गर्नेछन् ।
हिलबर्ट इंग्लिस बोर्डिङ स्कुलको आयोजनामा आइतबारदेखि भएको प्रतियोगितामा विभिन्न ८ टोलीले सहभागिता जनाएका थिए ।
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । प्रो भलिबल एकेडेमी अहिले पुरुष डिभिजन वानमा रहेकाे छ । त्याे भन्दामाथि पुरुष रिजर्भ र पुरुषा प्रिमियर लिग हुनेछ । यससँगै विशाल एसभिएल खेल्ने पहिलो […]
May 4, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीलाई गीता एभिएसनले आफ्नो ब्रान्ड एम्बास्डरका बनाएको छ । सोमपाललाई गीता एभिएसनले शुक्रबार ब्रान्ड एम्बासेडरका रूपमा अनुबन्ध गरेको हो। नेपाल टि ट्वान्टी विश्वकप खेल्न अमेरिका / वेस्ट इन्डिज जानुअघि सोमपाल ब्रान्ड एम्बासेडर नियुक्त भएका हुन् । यो अनुबन्धनले नेपाली खेलकुद र गीता एभिएसन दुवै पक्षको […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]