काठमाडौं (हाम्रो खेलकुद) – बृहस्पति विद्या सदनको (इसिए) टिमले आफ्नो अतिरिक्त क्रियाकलाप अन्तरगत नेपाल ओलम्पिक कमिटि अन्तरगतको स्पोर्टस् एण्ड इन्भारमेन्ट कमिसनको संयोजनमा विद्यार्थीलाई ओलम्पिकबारे जानकारी दिन भर्चुअलमार्फत कार्यक्रम आयोजना गरेको छ ।

ओलम्पिक के हो । यो किन आयोजना गरिन्छ ? यो चाख लाग्दो समयमा के हुन्छ । जुन प्रत्येक चार वर्षमा एकपटक आयोजना हुन्छ, जहाँ हजारौ एथलिट, विभिन्न ३५ खेल र हजारौ पदकका लासग प्रतिस्पर्धा हुन्छन् । यही बारेमा जानकारी दिने उद्देश्यले बृहस्पतिको इसिए टिमले शुक्रबार यो कार्यक्रमको आयोजना गरेको हो ।

प्रमुख वक्ताको रुपमा नेपाल ओलम्पिक कमिटि (एनओसी) का उपाध्यक्ष तथा कार्यकारी निर्देशक चतुरानन्द राज वैद्य, स्पोर्टस् एण्ड इन्भारमेन्ट कमिसनको अध्यक्ष, पुर्व अन्तर्राष्ट्रिय टेवल टेनिस खेलाडी तथा पुर्व एसएसपी गोवर्धन श्रेष्ठ, पुर्व राष्ट्रिय खेलाडी, पहिलो महिला रेफ्री, एथोट नेपालका अध्यक्ष र महिला तथा खेल आयोगका बिमला संग्रौला, टेवल टेनिसका सफ्ट गोल्ड मेडलिस्ट गीता शाहसँगै राष्ट्रिय खेलाडीहरुले ओलम्पिकबारे चर्चा गरेका थिए । भर्चुअल कार्यक्रममा विद्यार्थीहरुले ओलम्पिक खेल, टोकियो ओलम्पिक, वातवरण र खेलहरुबीचको सम्वन्धमा बुझ्ने प्रयास गरेका थिए ।