default_image

4 weeks ago

April 24, 2024

हिमाल र रिमा सर्वाेत्कृष्ट

1976 views

0 Bookmark

गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् ।

दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् ।

गोरखाको बारपाक सुलिकोट गाउँपालिकामा बुधबार भएको पुरुषतर्फको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्यो । नवलपुरले सुरुवाती दुई सेट गुमाएपनि त्यसपछिको तीनै सेट आफ्नो पक्षमा पार्दै च्याम्पियन बन्न सफल भयो ।

महिलामा रोमाञ्चक र प्रतिस्पर्धात्मक बनेको महिलाको फाइनलमा पर्वतले म्याग्दीलाई ३–२ को सेटमै पराजित गर्दै उपाधि जित्न सफल भएको थियो ।

उपाधिसँगै नवलपुर र पर्वतले समान १ लाख रुपैयाँसँगै कप, मेडल र प्रमाण पत्र प्राप्त गरेको छ । उपविजेता स्याङ्जा र म्याग्दीले ७५ हजार रुपैया, कप मेडल र प्रमाण पत्र प्राप्त गरेको छ । तेस्रो भएको म्याग्दी र स्याङ्जाले ५० हजार रुपैयाँ प्राप्त ग¥यो । पुरुषमा म्याग्दी र महिलामा स्याङ्जाले तेस्रो स्थान हासिल गर्याे ।

पुरुषतर्फ नवलपुरका हिमाल सुनारी र महिलामा पर्वतकी रिमा कुँवर प्रतियोगिताको सर्वोत्कृष्ट खेलाडी घोषित भइन् । उनीहरुले समान ले १० हजार रुपैयाँसँगै ट्रफी मेडल र प्रमाणपत्र प्राप्त गरे ।

व्यक्तिगत विधामा पुरुषतर्फ स्याङ्जाका सञ्जुविक्रम शाह स्पाइकर, नवलपुरका दानबहादुर गाहा सेटर, म्याग्दीका देवेन्द्र बुढा मगर सर्भर, नवलपुरका सरोज बर्देवा ब्लकर, स्याङ्जाका राजन दर्लामी मगर लिवेरो र नवलपुरका राम नारायण महतो उत्कृष्ट प्रशिक्षक चुनिए । उनीहरूले समान ५ हजार रुपैयाँसँगै ट्रफी र प्रमाया प्राप्त गरे ।

महिलामा म्याग्दीकी रञ्जना बोटे उत्कृष्ट स्पाइकर, पर्वतकी विना पुलामी सेटर, स्याङ्जाकी सोइङ थापा सर्भर, म्याग्दीकी मनिषा तिलिजा ब्लकर, स्याङ्जाकी जायरा निशा लिवेरो र पर्वतका जगदीश सुवेदी उत्कृष्ट प्रशिक्षक चुनिए । उनीहरूले समान ५ हजार रुपैयाँसँगै ट्रफी र प्रमाणपत्र प्राप्त गरे ।

विजयी टोली तथा खेलाडीलाई प्रदेश खेलकुद विकास परिषद गण्डकीका सदस्यसचिव श्रीधर शर्मा र नेपाल भलिबल संघका उपाध्यक्ष गौतम प्रसाद लासिवालगायतले पुरस्कृत गरे ।

१० बैशाखबाट शुरु भएको प्रतियोगितामा पुरुष र महिलातर्फ गण्डकी प्रदेशका समान १० जिल्लाको सहभागिता रहेको थियो । सहभागी टोलीलाई चार समूहमा विभाजन गरी प्रतिस्पर्धा गराइएको थियो ।

प्रदेश खेलकुद विकास परिषद गण्डकीको आयोजनामा भएको प्रतियोगितालाई जिल्ला खेलकुद विकास समिति गोरखा, जिल्ला भलिबल संघ गोरखाले समन्वय गरेको थियो ।

गण्डकी प्रदेश स्तरीय महिला तथा पुरुष भलिबल प्रतियोगिताको उत्कृष्टहरु
सर्वाेत्कृष्ट – हिमाल सुनारी (नवलपुर) र रिमा कुँवर (पर्वत)
स्पाइकर – सन्जु विक्रम शाह (स्याङ्जा) र रन्जना बोटे (म्याग्दी)
सेटर – दान बहादुर गाहा (नवलपुर) र मिना फगामी (पर्वत)
सर्भर – देवेन्द्र बुढा मगर (म्याग्दी) र सोइङ थापा (स्याङ्जा)
ब्लकर – सरोज बर्देवा (नवलपुर) र मनिषा तिलिजा (म्याग्दी)
लिवेरो – राजन दर्लामी मगर (स्याङ्जा) र जायरा निशा (स्याङ्जा)
प्रशिक्षक – राम नारायण महतो (नवलपुर) र जगदिश सुवेदी (पर्वत)

May 19, 2024

म्यानचेस्टर सिटी लगातार चौथो पटक प्रिमियर लिग च्याम्पियन

एजेन्सी – म्यानचेस्टर सिटी लगातार चौथो पटक इंग्लिश प्रिमियर लिगको उपाधि जितेको छ । लिगको अन्तिम खेलमा वेस्ट ह्याम माथि ३-१ को जित निकालेर आर्सनललाई पछि २ अंकले पार्दै सिटीले कीर्तिमानी लिग उपाधि जितेको हो । इंग्लिश फुटबल इतिहासमा कुनै पनि टिमले लगातार चार पटक लिग उपाधि जितेको यो पहिलो पटक हो । यसअघि हडर्सफिल्ड […]

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

Success

Thank you for your time.