3 years ago
August 1, 2021
एजेन्सी – युजी निसिदाले उच्च प्रदर्शन गरेपछि अघिल्लो चरण प्रवेश गर्न जित निकाल्नै पर्ने खेलमा इरानलाई पराजित गर्दै घरेलु टोली जापान टोकियो ओलम्पिक २०२० अन्तरगतको पुरुष भलिबलतर्फ क्वाटरफाइनलमा पुग्न सफल भएको छ । एरिएके एरिनामा आइतबार भएको समूह चरणको अन्तिम खेलमा जापानले इरानमाथि ३–२ को रोमाञ्चक जित दर्ता गर्दै अन्तिम आठमा स्थान पक्का गरेको हो […]
एजेन्सी – युजी निसिदाले उच्च प्रदर्शन गरेपछि अघिल्लो चरण प्रवेश गर्न जित निकाल्नै पर्ने खेलमा इरानलाई पराजित गर्दै घरेलु टोली जापान टोकियो ओलम्पिक २०२० अन्तरगतको पुरुष भलिबलतर्फ क्वाटरफाइनलमा पुग्न सफल भएको छ ।
एरिएके एरिनामा आइतबार भएको समूह चरणको अन्तिम खेलमा जापानले इरानमाथि ३–२ को रोमाञ्चक जित दर्ता गर्दै अन्तिम आठमा स्थान पक्का गरेको हो ।
पहिलो सेट जापानले २५–२१ ले आफ्नो पक्षमा पारेपनि त्यसपछिको दुवै सेट २०–२५ र २९–३१ ले गुमाएको थियो । तर त्यसपछिको दुवै सेट जापानले आफ्नो पक्षमा पार्न सफल भयो । चौथो सेट २५–२२ ले आफ्नो पक्षमा पारेको जापानले निर्णायक सेट १५–१३ ले जित्दै खेल आफ्नो पक्षमा पार्न सफल भयो ।
जापानले स्पाइकबाट ६८, ब्लकबाट ८ र सर्भिसबाट ७ अंक जोडेको थियो । युजी निसिदा स्पाइकबाट २४, ब्लकबाट ४ र सर्भिसबाट २ सहित सर्वाधिक ३० अंक जोडेका थिए । इरानले स्पाइकबाट ७२, ब्लकबाट ९ र सर्भिसबाट ७ अंक जोडेका थिए ।
जापानले समूह ‘ए’ मा ५ खेलबाट ७ अंक जोड्दै तेस्रो स्थानमा रहँदै अन्तिम आठमा स्थान पक्का गर्दा जापानसँगको हारसँगै इरान भने समूह चरणबाटै बाहिरियो । इरानले ६ अंक जोड्यो । यो समूहबाट पोल्यान्ड समूह विजेता बन्यो ।
यही समूहको अर्काे खेलमा इटालीले भेनेजुएलामाथि २५–२२, २५–१५ र २५–१७ को सहज जित निकाल्यो । इटाली दोस्रो स्थानमा रहँदा क्यानडा शीर्ष चारमा रहेर अन्तिम आठमा पुग्न सफल भयो । भेनेजुएलाले अंकको खाता नै खोल्न सकेन ।
समूह ‘बी’ को खेलमा रसियन ओलम्पिक कमिटी (आरओसी) ले ट्युनिसियामाथि २५–२०, २५–२२ र २५–१६ को सहज जित दर्ता गर्दै समूह विजेता बन्यो । आरओसीले ५ खेलबाट १२ अंक जोड्यो । ब्राजिल दोस्रो स्थानमा रह्यो ।
यस्तै समूह ‘बी’ खेलमा समूह चरण पार गर्न जित निकाल्नै पर्ने खेलमा अमेरिकालाई ३–० को सोझो सेटमा पराजित गर्दै अर्जेन्टिनमा शीर्ष चारमा रहेर क्वाटरफाइनलमा पुग्न सफल भएको छ ।
अर्जेन्टिनासँगको हारसँगै अमेरिका समूह चरणबाटै बाहिरिएको छ । समान ८ अंक भएपनि अर्जेन्टिना बढी सेट जितेको आधारमा फ्रान्सलाई पछि पार्दै तेस्रो स्थानमा रह्यो । अर्जेन्टिनाले अमेरिकामाथि २५–२१, २५–२३ र २५–२३ को सोझो सेटमा जित निकाल्यो ।
क्वाटरफाइनल समिकरण
पोल्यान्डविरुद्ध फ्रान्स
इटालीविरुद्ध अर्जेन्टिना
ब्राजिलविरुद्ध जापान
क्यानडाविरुद्ध आरओसी
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]