2 years ago
April 8, 2022
काठमाडौं (हाम्रो खेलकुद)– १३ औं दक्षिण एसियाली खेलकुद (साग) का रजत पदक विजेता गंगाराम कुसुवाले प्रथम कृष्णप्रसाद भट्टराई स्मृति राष्ट्रिय कराते प्रतियोगिताको पुरुष ७५ केजीमा स्वर्ण पदक जितेका छन् ।
ललितपुर सातदोबाटोस्थित कराते हालमा जारी प्रतियोगिताको दोस्रो दिन शुक्रबार गंगाराम बागमती प्रदेशका रोशन बलामीलाई १२–४ ले पराजित गर्दै च्याम्पियन बनेका हुन् । दुई वर्ष अघि १३ औं सागको ७५ केजीमा रजत जितेका गंगारामले शुक्रबार पहिलो खेलमा प्रदेश १ का नविन राईलाई १३–५, गण्डकीका विशाल थापामगरलाई १४–६ ले र सेमिफाइनलमा एपिएफका मोहम्मद शेख आलमलाई ९–१ ले हराएका थिए । सबै चार खेलमा गंगारामले विपक्षीलाई नकआउट गरेका थिए ।
जारी प्रतियोगितामा पुलिसको यो पाँचौं स्वर्ण पदक हो । शुक्रबार नै ७८ केजी माथिको तौल समूहमा बिप्लवलाल श्रेष्ठले स्वर्ण पदक जितेका थिए । पुलिसले पहिलो दिन ३ स्वर्ण पदक जितेको थियो । रजत पदक जितेका रोशनले मधेश प्रदेशका उद्धव भारती, त्रिभुवन आर्मीका निकेश मानन्धरलाई ९–३ र सेमिफाइनलमा लुम्बिनी प्रदेशका कृष्ण विष्टलाई १८–८ ले नकआउट गरेका थिए ।
१७ मध्ये अहिले सम्म ९ स्वर्ण पदकको टुंगो लाग्दा पुलिसले ५, त्रिभुवन आर्मी क्लबले २ तथा एपिएफ र प्रदेश १ ले समान १ स्वर्ण पदक जितेका छन् । नेपाल लोकतान्त्रिक खेलकुद संघ र ललिलपुर जिल्ला प्रमुख डोजोको संयुक्त आयोजनामा भएको प्रतियोगितालाई राष्ट्रिय खेलकुद परिषद् (राखेप) र नेपाल कराते महासंघले १९ औं एसियाली खेलकुदको प्रारम्भिक छनोटको मान्यता दिएको छ ।
शनिबार सम्म चल्ने प्रतियोगितामा ७ प्रदेश, ३ विभाग (सेना, प्रहरी र एपिएफ) का २ सय १० खेलाडीको सहभागिता रहेको छ । महिलातर्फ ८ र पुरुषतर्फ ९ इभेन्ट्समा २१ स्वर्ण, २१ रजत र ४२ कास्य पदकका लागि प्रतिस्पर्धा हुनेछ । प्रतियोगितालाई सम्झना ल्याबले मुख्य प्रायोजन गरेको छ । लिनिङ र सान सोजु सह प्रायोजक रहेको प्रतियोगितालाई ललितपुर महानगरपालिका, गोदावरी नगरपालिका,बागमती गाउँपालिका र क्लासिक डायमण्ड सहयोगकी रुपमा रहेका छन् ।
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]
April 22, 2024
काठमाडौं (हाम्रो खेलकुद)– १९ औं मुवाँथाई विश्व च्याम्पियनसिपमा स्वर्ण पदक जितेका मुवाँथाई खेलाडी गुणराज रुचाललाई स्पोर्टस युनिभर्सले सोमबार सम्मान गरेको छ । स्पोर्टस युनिभर्सका निर्देशक किशोरकुमार जोशीले गुणराजलाई स्पोर्टस वेयर समेत प्रदान गरेका थिए । जोशी सुदूरपश्चिम प्रदेश मुवाँथाई संघका उपाध्यक्ष समेत हुन् । गत महिना थाइल्यान्डको बैंककमा भएको प्रतियोगिताको सेमी प्रोको पुरुष ५४ केजीमा […]
April 20, 2024
काठमाडौं (हाम्रो खेलकुद)- भारतको केरलामा भएको प्रथम दक्षिण एसियाली कुराँश च्याम्पियनसिपमा २ स्वर्ण र ३ रजत पदकसहित नेपाल दोस्रो भएको थियो। शनिबार दिक्षा मगर र योगेन्द्र विष्टले स्वर्ण पदक जितेका छन् । त्यस्तै परि घर्तीमगर,अर्जुन क्षेत्री र सिनियर ८७ केजी माथि दीपिका अछाजुले रजत पदक जितेका हुन् । दिक्षाले ४४ केजी मुनिको तौल समूह र […]