काठमाडौं (हाम्रो खेलकुद) – सिनियर विश्व कुराँस च्याम्पियनसिप र कंग्रेसका लागि दुई सदस्यीय नेपाली कुराँस टोली टर्कीको इस्तानबुल प्रस्थान गरेको छ ।
संघकी उपाध्यक्ष प्रतिक्षा खरेल (बायाँ) र खेलाडी भगवती माझी (दायाँ) का साथ संघका अध्यक्ष दानबहादुर घिसिङ ।
च्याम्पियनसिप तथा कंग्रेस यहि डिसेम्बर १ देखि ४ सम्म आयोजना हुँदैछ । विश्व च्याम्पियनसिपमा खेलाडी भगवती माझीले आफ्नो चुनौती पेश गर्ने छिन् । भगवतीका साथ कुराँस संघकी उपाध्याक्ष प्रतिक्षा खरेल पनि रहेकी छिन् । खरेलले कंग्रेसमा अन्तर्राष्ट्रिय कुराँस महासंघको कार्यकारी समिति सदस्यको लागि मनोनयन दिने संघले जनाएको छ ।
दुई सदस्यीय टोलीलाई नेपाल कुराँस संघका अध्यक्ष दान बहादुर तामाङ, नेपाल सिलात मार्सल आर्ट्सका महासचिव नवीन राई, समाजसेवी आशिष घर्ती लगायतले बिदाई गरे ।
विदाईपछि खेलाडी माझीले ऐतिहासिक र महत्वपूर्ण अन्तर्राष्ट्रिय प्रतियोगितामा सहभागी हुन पाउँदा अत्यन्तै खुशी लागेको बताउँदै च्याम्पियनसिपमा राम्रो प्रदर्शन गर्ने बताईन् । माझी ५२ केजी तौल समुहमा इस्तानबुलको हसाना डोगना स्पोर्ट्स हलमा उत्रने छिन् ।
