काठमाडौं (हाम्रो खेलकुद)– काठमाडौं स्पेनमा भएको अन्तर्राष्ट्रिय मार्सल आट्र्स च्याम्पियनसिपमा नेपालका सुनिल मल्ल ठकुरी र रोशन आचार्यले पदक हात पारेका छन् ।
सोमबार स्पनेको भ्यालेन्सियास्थित अलमसेरा स्पोट्र्स सेन्टरमा भएको खेलमा सुनिलले फाइटतर्फ स्वर्ण पदक दिलाएको नेपाली टिमका प्रशिक्षक अभिषेक मल्ल जानकारी दिए । रोशनले भने कांस्य पदक जित्न सफल भए ।
सुनिलले पुरुष ६३ केजीको फाइनलमा स्पेनका भिक्टर मार्टिन पेरेजलाई हराउँदै स्वर्ण जितेका हुन् । त्यसअघि सेमिफाइनलमा उनले अफगानिस्तानका अहमद जावेद नाविजादालाई हराउँदै फाइनलको यात्रा तय गरेका थिए ।
त्यस्तै रोशनले फाइटतर्फ पुरुष ५३ केजीको पहिलो खेलमा चीनका जियान हाउ झिउमाथि जित रचेका थिए । त्यसपछिको क्वार्टरफाइनलमा अफगानिस्तानका हेदायातुल्लाह उस्मानीलाई हराउँदै रोशनले कांस्य पदक पक्का गरे ।
तर, सेमिफाइनलमा उनी इटालीका अर्टिअम प्रोकासँग पराजित भए । च्याम्पियनसिपमा नेपाली टोलीका प्रशिक्षक अभिषेक मल्लले आफु बेस्ट रेफ्रीको अवार्ड जित्न सफल भएको बताए ।
