काठमाडौं (हाम्रो खेलकुद)– समिर खड्गीले म्यानमारमा सम्पन्न दोस्रो माचुसिमा एसियन प्यासिफिक क्योकुसिन कराते च्याम्पियनसिपमा कांस्य पदक जितेका छन् ।
म्यानमारको रंगुनमा सोमबार भएको च्याम्पियनसिपमा म्यानमारकै खान्त फोन टेटलाई हराउँदै समिरले कांस्य पदक जितेको टोलीका प्रमुख राजकुमार गुरुङले जानकारी दिए । समिरले १४ वर्षमुनि उमेर समूहको क्वार्टरफाइनलमा इन्डोनेसियाका स्टुवार्ट यावलाई हराउँदै अन्तिम चारको यात्रा तय गरेका थिए ।
त्यसअघिको पहिलो चरणमा भने उनले घरेलु प्रतिद्वन्द्वी होइन नान्द क्यावलाई पन्छाएको थिए । नेपाली टोलीका प्रशिक्षक सुमन गजुरेलले जानकारी दिए । नारायणलाल मोक्तानले भने ७० केजीमाथिको तौल समूहमा प्रतिस्पर्धा गरेका थिए । टोलीका प्रमुख गुरुङले अन्तर्राष्ट्रिय पाँचौं डानको डान परिक्षा दिने बताइएको छ ।
