काठमाडौं (हाम्रो खेलकुद)– एसियन प्यासिफिक क्योकुसिन कराते च्याम्पियनसिपका कास्य पदक विजेता समिर खड्गीलाई बिहीवार त्रिभुवन अन्तर्राष्ट्रिय विमानस्थलमा स्वागत गरिएको छ ।
म्यानमारको रङ्गुन शहरमा सोमबार भएको च्याम्पियनसिपमा म्यानमारकै खान्त फोन टेटलाई हराउँदै समिरले कास्य पदक जितेका थिए ।
कीर्तिपुरस्थित पुष्पसदन स्कुलमा कक्षा ९ मा अध्यायनरत समिर लगायत नेपाली टोलीका प्रमुख राजकुमार गुरुङ, प्रशिक्षक सुमन गजुरेल लगायतलाई पुष्पसदन स्कुलका संस्थापक अध्यक्ष महेश श्रेष्ठ, संघ प्रतिनिधि,परिवारजन र खेलाडीले उनलाईस्वागत गरेका थिए ।
समीरले १४ वर्षमुनि उमेर समूहको क्वार्टरफाइनलमा इन्डोनेसियाका स्टुवार्ट यावलाई हराउँदै अन्तिम चारमा स्थान बनाएका थिए । त्यसअघिको पहिलो चरणमा भने उनले घरेलु प्रतिद्वन्द्वी हेइन नान्द क्यावलाई पन्छाएका थिए । नेपालका लागि ७० केजीमाथि प्रतिस्पर्धा गरेका नारायणलाल मोक्तान भने पदक विहीन बनेका थिए ।
