1 year ago
February 6, 2023
काठमाडौं (हाम्रो खेलकुद) – होङ्गान्जी न्यु डायमण्ड युथ स्पोर्ट्स क्लबले छैटौं केएनपी नेरोलेक राष्ट्रिय महिला भलिबल प्रतियोगिताको राउन्ड रोविन लिगको अन्तिम खेलमा विभागीय नेपाल एपिएफ क्लबलाई पराजित गरेको छ ।
डायमण्डले एपिएफलाई ३–१ को सेटमा पराजित गर्दै लिगमा शीर्षस्थानमा रहन सफल भएको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा सोमबार भएको खेलमा फाइनल पुगिसकेको दुवै टोलीले नयाँ खेलाडीलाई मौका दिएको थियो ।
डायमण्डले पहिलो र दोस्रो सेट क्रमश २५–२१ र २५–१९ ले जित्न सफल भयो । तेस्रो सेट डायमण्डले २१–२५ ले गुमाउन पुग्यो । चौथो सेटमा डायमण्ड २५–२१ ले विजयी हुन सफल भयो । डायमण्डकी सलिना बुढा मगर प्लेयर अफ दि म्याच घोषित भइन् । उनले १० हजार रुपैयाँ र शिल्ड प्राप्त गरिन् ।
डायमण्डले नयाँ खेलाडी जेनिशा विश्वकर्मा र निशा महरलाई मौका प्रदान गर्दा प्रतिभा माली र रिमा कुँवरलाई पहिलो र चौथो सेटमा केही समय खेलाएको थियो । यता, एपिएफले सरस्वती चौधरी, निरुता ठगुन्ना र हीरा केसी र विनिता बुढाथोकीलाई विश्राम दिँदा गरिमा बोहोरा, उषा विष्ट, आरती सुवेदी र जस्ना महतोलाई मौका दिएको थियो ।
यस जितसँगै डायमण्डले ३ खेलबाट ९ अंक बटुल्दै लिगमा शीर्षस्थानमा रहेको छ । पराजयको बावजुत एपिएफ ३ खेलबाट ६ अंक जोडेर दोस्रो स्थानमा रह्यो । यि दुई टोलीले मंगलबार उपाधिका लागि प्रतिस्पर्धा गर्दैछ ।
आज नै लिग राउन्डको अन्तिम खेलमा आर्मी र पुलिसले खेल्दैछ । दुवै टोली पहिलो जितको ोजीमा हुनेछ । यि दुई टोलीले नै मंगलबार तेस्रो स्थानको लागि प्रतिस्पर्धा गर्दैछ ।
प्रतियोगितामा तीन विभागीय टोलीसहित चार टोलीको सहभागिता रहेको छ । विजेताले ३ लाख रुपैयाँ र शिल्ड प्राप्त गर्नेछ । उपविजेताले १ लाख ५० हजार र तेस्रो हुने टोलीलाई ७५ हजार रुपैयाँ नगद पुरस्कार पाउनेछन् । सर्वोत्कृष्ट खेलाडीलाई ५० हजारसँगै अन्य आकर्षक पुरस्कार प्रदान गरिनेछ ।
विधागततर्फ उत्कृष्ट हुनेलाई जनही १५ हजार र हरेक खेलको प्लेयर अफ दी म्याचलाई १० हजार रुपैयाँ नगद पुरस्कार प्रदान गरिनेछ यस्तै एक नयाँ खेलाडीलाई नगद १५ हजारसहित इमर्जिङ प्लेयर अवार्डबाट सम्मानित गरिनेछ ।
May 6, 2024
हिमाल खरेल, बिर्तामोड प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ । कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् । बस्नेतलाई तत्कालीन भीम आचार्यको सरकारले २०७८ असोज २४ गते […]
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]