default_image

10 months ago

April 26, 2023

इटहरीमा ‘स्कुल टु ओलम्पिक’ कार्यक्रमको आयोजना

इटहरी (हाम्रो खेलकुद)– कोशी प्रदेशको प्रदेश खेलकुद विकास बोर्डको आयोजना र नेपाल ओलम्पियन्स संघको संयोजनमा मंगलबार इटहरीमा स्कुल टु ओलम्पिक कार्यक्रम सम्पन्न भएको छ । विधार्थीहरुलाई स्कुलबाट खेलकुदमा आबद्ध हुनु प्रेरित गर्ने उद्देश्यका साथ आयोजना भएको स्कुल टु ओलम्पिक कार्यक्रममा मोरङ र सुनसरीका विभिन्न विधालयका झन्डै ४ सय विधार्थीहरुको सहभागिता थियो । ओलम्पियन्स संघका अध्यक्ष […]

93 views

0 Bookmark

इटहरी (हाम्रो खेलकुद)– कोशी प्रदेशको प्रदेश खेलकुद विकास बोर्डको आयोजना र नेपाल ओलम्पियन्स संघको संयोजनमा मंगलबार इटहरीमा स्कुल टु ओलम्पिक कार्यक्रम सम्पन्न भएको छ ।

विधार्थीहरुलाई स्कुलबाट खेलकुदमा आबद्ध हुनु प्रेरित गर्ने उद्देश्यका साथ आयोजना भएको स्कुल टु ओलम्पिक कार्यक्रममा मोरङ र सुनसरीका विभिन्न विधालयका झन्डै ४ सय विधार्थीहरुको सहभागिता थियो ।

ओलम्पियन्स संघका अध्यक्ष दीपक विष्टको नेतृत्वमा रहेको टोलीमा कीर्तिमानी धावक ओलम्पियन बैकुण्ठ मानन्धर, पुष्पराज ओझा, डम्बर कुवर, मेनुका राउत, टिकाराम श्रेष्ठको सहभागिता थियो । सोही टोलीमा त्यस्तै एसियाली खेलकुदकी कास्य पदक विजेता करातेकी सिता राई, राष्ट्रिय भलिबल टोलीका पूर्व कप्तान भरत शाह, राष्ट्रिय फुटबल टोलीका पूर्व कप्तान हरि खड्का पनि रहेका थिए ।

खेलाडीहरुले विधार्थीहरुलाई विद्यालयमा रहँदै आफूलाई रुची भएको खेलमा आबद्ध भएर प्रशिक्षण गरेको खण्डमा भविष्यमा सफलता मिल्न सक्नेमा सम्भावना बढी हुने बताए । उनीहरुले खेलकुदसँगै अध्ययनलाई पनि सँगसँगै अगाडि बढाउनु पर्नेमा जोड दिएका थियो ।

त्यसअघि इटहरी उप महानगरपालिकाका मेयर हेमकर्ण पौडेलले स्कुल टु ओलम्पिक कार्यक्रमको उद्घाटन गरेका थिए । कार्यक्रममा कोशी प्रदेश खेलकुद विकास बोर्डका सदस्य सचिव हंसराज वाग्लले कोशी प्रदेशको राष्ट्रपति रनिङ शिल्ड छनोटका दौरान देशका ख्यातीप्राप्त खेलाडीले आ आफ्नो अनुभव साट्दा नयाँ खेलाडीहरुलाई प्रेरणा मिल्ने बताएका छन् ।

सोमबार राष्ट्रपति रनिङ शिल्डको उद्घाटनका दौरान प्रदेश खेलकुदले ओलम्पियन र अन्य खेलाडीलाई सम्मान गरेको थियो । स्कुल टु ओलम्पिक आयोजनाका लागि कोशी प्रदेश प्याब्सनले सहयोग गरेको थियो ।

त्यसअघि सोमबार राष्ट्रपति रनिङ शिल्डको‌ उद्घाटनमा सहभागी हुनुका साथै सबै खेल एथलेटिक्स, भलिबल, तेक्वान्दो, कराते, कबड्डी र उसु प्रतियोगिताका आयोजनास्थलमा पुगि खेलाडीहरु हौसला बढाएका थिए।

स्थानिय खेलकुद प्रदेशसँगको समन्वयमा ओलम्पियन्स संघले देशव्यापी रुपमा स्कुल टु कार्यक्रम आयोजनाको लक्ष्य राखे अनुरुप यसअघि सुदूरपश्चिम र कर्णाली प्रदेशमा सम्पन्न भइसकेको र भविष्यमा अन्य प्रदर्शनमा पनि आयोजना गरिने संघका अध्यक्ष विष्टले जानकारी दिए ।

ओलम्पियनहरुको टोलीले मंगलबार नै कोशी प्रदेशका मुख्यमन्त्री हिक्मत कार्की उनकै कार्यालयमा भेट गरि कार्यक्रमको उद्देश्यका बारेमा जानकारी गराएका थिए ।

February 22, 2024

सूर्य नेपाल वेस्टर्न ओपनमा भुवनको अग्रता

पोखरा ( हाम्रो खेलकुद)- सूर्य नेपाल वेस्टर्न ओपनको पहिलो दिन भुवन नगरकोटीले एक स्ट्रोकको अग्रता बनाएका छन्। सूर्य नेपाल गल्फ टुर २०२३-२४ अन्तर्गतको चौंथो प्रतियोगिताका रुपमा रहेको वेस्टर्न ओपन पोखरास्थित पार-६९ को हिमालयन गल्फ क्लबमा बुधबार सुरु भएको छ। पूर्व नम्बर एक  प्रो भुवन ३-अण्डर ६६ को स्कोरमा शीर्ष स्थानमा रहेका हुन्।  एमेच्योर खेलाडी सदभाव […]

February 21, 2024

गोर्खाली रग्वीसँग एपिएफको हार

काठमाडौं (हाम्रो खेलकुद) – काठमाडौंमा जारी फिफ्टिन्स रग्वी लिगमा गोर्खाली रग्वी क्लबले लगातार दोस्रो जित निकालेको छ । दशरथ रंगशालामा लिग चरणमा खेलमा बुधबार गोर्खाली रग्वीले एपिएफ क्लबलाई पराजित ग¥यो । लगातार दोस्रो जित निकाल्ने क्रममा गोर्खाली रग्वीले एपीएफलाई ४९–२० को स्कोरमा हरायो । ६ अंकका साथ गोर्खाली तालिकाको शीर्ष स्थानमा उक्लिएको छ । एपिएफ […]

February 21, 2024

कोशी स्तरीय ब्याडमिन्टन सुरु

दीपक बोहोरा, पाँचथरजिल्ला खेलकुद विकास समिति पाँचथरको आयोजनामा कोशी प्रदेश स्तरीय ब्याडमिन्टन प्रतियोगिता बुधबार सुरु भएको छ । ५ विधामा संचालन गरिएको प्रतियोगिताको पहिलो दिनको महिला र पुरुष एकलतर्फका खेल भएका छन् । महिला एकलमा मोरङकी सिमा राजवंशी, तेह्रथुमकी भावना चुडाल, उदयपुरकी राजी राई, सङखुवासभाकी अलिना श्रेष्ठ, पाँचथरकी चाहाना केरुङ, धनकुटाकी अरुण तामाङ, सोलुखुम्बुकी पुजा […]

Success

Thank you for your time.