1 year ago
May 22, 2023
दोलखा (हाम्रो खेलकुद) – पूर्व मन्त्री भीमबहादुर तामाङको स्मृतिमा दोलखा चेस होम नेपाल दोलखाको आयोजना तथा भीमबहादुर तामाङ स्मृति प्रतिष्ठानको सहयोगमा संचालन भइरहेको दोलखा खुला अन्तर्राष्ट्रिय बुद्धिचाल प्रतियोगितामा भारतका इन्द्रजित महिन्द्रकारले एकल अग्रता बनाएका छन् । आठौं चरणको खेल सकिदा अपराजित रहँदै इन्द्रजितले साढे सात अंक सहित एकल अग्रता लिएका हुन् ।
राम्रो प्रदर्शन गरेका इन्द्रजितले सातौ चरणको खेलमा भारतका मोहित कुमार र आठौं चरणको खेलमा भारतकै धनविर सिंह यादवलाई हराएका थिए । त्यसैगरी नेपालका नेपाल च्याम्पियन फिडे मास्टर रुपेश जैसवाल , भारतका अपोलोसना माङ्गाङ , बेदान्त नगरकट्टे, सोराम राहुल सिंहले साढे ६ अंक हात पारी इन्द्रजितलाई पछाई रहेका छन् ।
रुपेशले सातौं चरणको खेलमा १४ बर्षका पुरुषोत्तम सिलवाललाई हराए भने आठौं चरणको खेलमा भारतका अपोलोसनासंग बराबरी खेले । अपोलोसनाले आठौं चरणको खेलमा भारका ज्ञानेन्द्र साहुलाई पन्छाउन सफल भए ।
दोलखाको कालिन्चोक माध्यमिक स्कुलमा संचालन भइरहेको प्रतियोगितामा नेपालका पूर्व नेपाल च्याम्पियन नवीन तण्डुकार, पुरुषोत्तम चौलागाईं सुशुरत दाहाल , भारतका प्रियन्का बरुवा, सुभद्रा राय, दावा लामा ६ अंक सहित तेस्रो स्थानमा छन् । बद्रीलाल नेपाली, अंकित विश्वास , राजन पुरी , निशान्त श्रेष्ठले साढे ५ अंक जोडेका छन् ।
कुल ४ लाख ८३ हजार रुपैयाँ पुरस्कार भएको रहेको प्रतियोगिताको विजेताले १ लाख, दोस्रो हुनेले ६० हजार र तेस्रो हुनेले ४० हजार रुपैयाँ प्राप्त गर्नेछन् । विभिन्न विधामा गरि ३७ जनाले नगद पुरस्कार प्राप्त गर्नेछन् । फाइनल चरणको खेल मंगलबार हुनेछ ।
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 25, 2024
काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]