default_image

11 months ago

July 20, 2023

प्रदेश भलिबल संघलाई बोर्डले माग्यो स्पष्टीकरण

493 views

0 Bookmark

हिमाल खरेल, बिर्तामोड

प्रदेश खेलकुद विकास बोर्ड कोशीले कोशी प्रदेश भलिबल संघलाई मुख्यमन्त्री कप राष्ट्रिय महिला भलिबल प्रतियोगिताका सन्दर्भमा स्पष्टीकरण मागेको छ । आज बोर्डका सदस्य सचिव हंशराज वाग्लेले संघलाई पत्र लेख्दै एक साताभित्र स्पष्टीकरणको चित्तबुझ्दो जवाफ पेश गर्न निर्देशन दिएका छन् ।

कोशी प्रदेश भलिबल संघले यही जेठ २९ गतेदेखि ३२ गतेसम्म भएको मुख्यमन्त्री कप राष्ट्रिय महिला भलिबल प्रतियोगिताको संयोजन गरेको जिल्ला भलिबल संघ सुनसरी, राष्ट्रिय रेफ्री, प्रशिक्षक, प्रदेश रफ्री र खेलाडीहरुलाई स्पष्टीकरण सोध्नुका साथै कारबाही गरेपछि बोर्डले आज संघलाई त्यस विषयमा स्पष्टीकरण सोधेको हो ।

बोर्डले संघलाई स्पष्ट पार्न भन्दै लेखेको छ, ‘कोशी प्रदेश भलिबल संघले कुन निकायबाट अधिकार पाएर उनीहरुलाई स्पष्टीकरण सोध्यो ?’ त्यस्तै, बोर्डले संघलाई सोधेको छ, ‘प्रदेश सरकार खेलकुद विकास बोर्डले आयोजना गरेको राष्ट्रिय महिला भलिबल प्रतियोगितामा प्रयोग गरिएका रेफ्री, कोच र खेलाडीहरुलाई कारबाही गर्ने अधिकार त्यस संघलाई कसले दिएको हो ? प्रदेश भलिबल संघले उल्लेख गरेका रेफ्रीहरुको रेफ्री कमिसन नामको संस्थाको आधिकारिकता तथा दर्ता प्रक्रिया कुन निकायले कहिले गरेको हो ?’

यसैबीच, प्रतियोगितामा प्रदेशबाट सहभागी भएका राष्ट्रिय रेफ्रीहरु, भलिबल कोच, तथा कोशी प्रदेशका राष्ट्रिय महिला भलिबल खेलाडीहरुको नामै किटान गरी संघले मनोबल गिराउने र अपमान गर्नेगरी खेलकुदमा प्रतिबन्ध लगाएकोमा बोर्डले आपत्ति जनाएको छ ।

प्रदेश सरकारले गरेको प्रतियोगितामा सहभागीहरुलाई प्रतिबन्ध लगाउने कानुनी छुट संघलाई नभएको हुँदा तीन दिनभित्र बैठक बसी सो प्रतियोगितामा संलग्न सहभागी कोशी प्रदेशका उल्लेखित व्यक्तिहरुलाई सम्बोधन गरी संघको तर्फबाट क्षमायाचना सहितको पत्र बोर्डमा पेश गर्न सदस्य सचिव वाग्लेले निर्देशन दिएका छन् ।

त्यस्तै, दमकमा रहेको कोशी प्रदेश भलिबल तालिम केन्द्रमा प्रशिक्षण गराउँदा अब उप्रान्त नेपाल भलिबल संघको सहमति र प्रदेश खेलकुद विकास बोर्डको निर्देशनमा मात्र प्रशिक्षण गराउन निर्देशन गरिएको छ । दमकमा खेलाडी प्रशिक्षण गराउन बोर्डसँग अनुमति लिइए पनि प्रशिक्षणमा संलग्न प्रशिक्षकहरुको आधिकारिकता र खेलाडीहरुप्रति गरिने व्यवहारका बारेमा उजुरी परेको हुँदा सो विषयमा स्पष्ट पार्न पनि बोर्डले निर्देशन दिएको छ ।

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

June 11, 2024

अन्नपूर्ण फ्रेण्डसिप बुद्धिचाल सम्पन्न

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ। बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा […]

June 10, 2024

अष्ट्रेलियामा स्यान्टुलाई टेबल टेनिस उपाधि

काठमाडौं (हाम्रो खेलकुद)- पेरिस ओलम्पिकका लागि छनोट भइसकेका टेबल टेनिस खेलाडी स्यान्टु श्रेष्ठले अष्ट्रेलियामा मेलवर्न मेट्रोपोलिटियन ओपन च्याम्पियनसिपको उपाधि जितेका छन् । कोवर्ग टेबल टेनिस बाट खेलेका स्यान्टुले सोमबार भएको फाइनलमा चाइ हङ एलेक्सलाई ४-२ ले हराएका छन् । स्यान्टु ४-११,११-६,८-११,१२-१०,११-५,११-७ ले खेल जितेका हुन्। त्यसअघि सेमिफाइनलमा उनले एन्स्टी जाचेरीलाई ३-० ले हराएको थिए। त्यसअघि […]

Success

Thank you for your time.