काठमाडौं (हाम्रो खेलकुद) – नेपाल एपिएफ क्लबका विजय थापा मुख्यमन्त्री कप पुरुष भलिबल प्रतियोगिताको सर्वोत्कृष्ट खेलाडी घोषित भएका छन् ।

संखुवासभाको खादबारीमा सम्पन्न शनिबार सम्पन्न फाइनमा उत्कृष्ट पुनरामगनका साथ एपिएफलाई मुख्यमन्त्री कप उपाधि दिलाउन महत्वपूर्ण भूमिका निर्वाह गरेका विजय सर्वोत्कृष्ट चुनिएका हन् । प्रतियोगितामा एपिएफका ४ र गण्डकीका ३ खेलाडी उत्कृष्ट घोषित भए ।

एपिएफका लोकेन्द्र गिरी उत्कृष्ट सेटर, विनोद चन्द उत्कृष्ट डिफिन्डर र पुष्पजंग मल्ल उत्कृष्ट चुनिए । गण्डकीका विश्वास अधिकारी उत्कृष्ट सर्भर, रविन केसी उत्कृष्ट स्पाइकर र सरोज बर्देवा उत्कृष्ट ब्लकर चुनिए । विजयले २५ र अन्य उत्कृष्टले ५ हजार रुपैयाँ प्राप्त गरे ।

फाइनलमा गण्डकी पराजित

गण्डकी प्रदेशलाई ३–१ ले हराउँदै एपिएफले उपाधि जितेको थियो । पहिलो सेट गुमाएको एपिएफले १४–२५,२५–२३,२५–२१,२५–२१ को जित निकालेको हो । एपिएफलाई कडा चुनाती प्रस्तुत गर्नका वावजुद गण्डकी पराजित भएको हो ।

एपिएफले त्रिभुवन आर्मी क्लब र गण्डकीले नेपाल पुलिस क्लबलाई हराउँदै फाइनल भेट पक्का गरेका थिए । त्यसअघि एकै समूहमा रहँदा पनि एपिएफले गण्डकीलाई ३० को सोझो सेटमा हराएको थियो ।

पुलिस तेस्रो

प्रतियोगितामा पुलिस तेस्रो भएको छ । शनिबार नै आर्मीलाई ३–० को सोझो सेटमा हराउँदै पुलिस तेस्रो बन्न सफल भएको हो ।
एकपक्षिय खेलमा पुलिसले आर्मीलाई २५–२३,२५–१७, २५–१७ ले हराएको थियो ।

पहिलो सेट बाहेक आर्मीले पुलिसलाई चुनौती दिन सकेन । एकै समूहमा रहेका यि दुई टोलीबीचको प्रतिस्पर्धामा पनि पुलिसले आर्मीलाई हराएको थियो ।

प्रदेश खेलकुद विकास बोर्ड कोशीको आयोजना र जिल्ला भलिबल संघको व्यवस्थापनमा जारी प्रतियोगिताको विजेता टोलीले ३ लाख, दोस्रोले १ लाख ५० हजार, तेस्रोले ५० हजार र चौथो हुने टोलीले ३० हजार रुपैयाँ प्राप्त गरे । ५ दिन सम्म सन्चालन भएको प्रतियोगितामा ८ टोलीको सहभागिा थियो ।

मुख्यमन्त्री कप पुरुष भलिबल प्रतियोगिता

सर्वोत्कृष्ट खेलाडी – विजय थापा (एपिएफ)

उत्कृष्ट
स्पाइकर – रवि केसी (गण्डकी)
सेटर – लोकेन्द्र गिरी (एपिएफ)
सर्भर – विश्वास अधिकारी (गण्डकी)
ब्लकर – सरोज बर्देवा (गण्डकी)
डिफेन्डर – विनोद चन्द (एपिएफ)
प्रशिक्षक – पुष्पजंग मल्ल (एपिएफ)