1 month ago
March 21, 2024
काठमाडौं (हाम्रो खेलकुद)– एभरेष्ट भलिबल क्लब र साविक विजेता नेपाल पुलिस क्लबबीच आठौं आरबीबी एनभिए भलिबल च्याम्पियसिपको महिलातर्फको उपाधिका लागि प्रतिस्पर्धा गर्ने भएका छन् । चन्द्रगिरी नगरपालिका न्यु डायमण्ड महिला टिमलाई बिहीबार ३–० को सोझो सेटमा हराउँदै एभरेष्टले पुलिससँगको भेट पक्का गरेको हो । राष्ट्रिय महिला टोलीकी कप्तान अरुणा शाहीसहित ३ भारतीय खेलाडी सम्मिलित एभरेष्टले […]
काठमाडौं (हाम्रो खेलकुद)– एभरेष्ट भलिबल क्लब र साविक विजेता नेपाल पुलिस क्लबबीच आठौं आरबीबी एनभिए भलिबल च्याम्पियसिपको महिलातर्फको उपाधिका लागि प्रतिस्पर्धा गर्ने भएका छन् ।
चन्द्रगिरी नगरपालिका न्यु डायमण्ड महिला टिमलाई बिहीबार ३–० को सोझो सेटमा हराउँदै एभरेष्टले पुलिससँगको भेट पक्का गरेको हो ।
राष्ट्रिय महिला टोलीकी कप्तान अरुणा शाहीसहित ३ भारतीय खेलाडी सम्मिलित एभरेष्टले न्यु डायमण्डलाई २५–२०,२५–१२, २५– १८ हराएको हो । एपिएफलाई हराउँदै समूह विजेताका रुपमा सेमिफाइनल पुगेको न्यु डायमण्डले एभरेष्टविरुद्ध भने कुनै पनि समय खेलमा प्रभाव जमाउन सकेन ।
एपिएफलाई हराउँदै पुलिस अन्तिम दुईमा पुगेको थियो । आज भएको पहिलो सेमिफाइनलमा ३–१ को जितका साथ पुलिस उपाधि रक्षाको नजिक पुगेको हो ।
त्रिपुरेश्वस्थित राष्ट्रिय खेलकुद परिषदको कभर्ड हलमा पुलिसले एपिएफलाई २७–२५,२५–२२,२५–१७ ले हराएको थियो । समूह चरणमा पुलिस र एभरेष्ट एकै समूहमा थिए । त्यसमा विजयी हुँदै पुलिस समूह विजेता र एभरेष्ट समूह उपविजेताका रुपमा अन्तिम चारमा पुगेका थिए ।
प्रतियोगितामा पुरुषतर्फका अन्तिम दुई क्वार्टरफाइनल खेल हुनेछ । तेस्रो क्वार्टरफाइनलमा पुलिस र कोशी प्रदेश तथा अन्तिम क्वार्टरफाइनलमा त्रिभुवन आर्मी क्लब र सुदूरपश्चिम प्रदेशबीच प्रतिस्पर्धा हुनेछ । गण्डकी प्रदेश र टिप टप हेल्प नेपाल यसअघि नै सेमिफाइनल पुगिसकेका छन् ।
पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।
नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।
April 27, 2024
धुलिखेल (हाम्रो खेलकुद) – त्रिभुवन आर्मी क्लबले छैटौं साहना प्रधान स्मृति राष्ट्रिय महिला हक्की प्रतियोगितामा विजयी सुरुवात गरेको छ । दोस्रो खेलमा लुम्बिनी प्रदेशले अग्रता जोगाउन नसक्दा मधेस प्रदेशसँग १–१ गोलको बराबरी खेलेको छ । शनिबार भएको उद्घाटन खेलमा आर्मीले गण्डकी प्रदेशलाई ३–० गोल अन्तरले हराएको हो । धुलिखेल खेल मैदानमा भएको खेलमा आर्मीलाई जित […]
April 27, 2024
काठमाडौं (हाम्रो खेलकुद) – साविक विजेता प्रदीप खड्का र अभिलाषा विष्टले १० औं सिटिजन्स बैंक खुला टेनिस प्रतियोगिताको सिंगल्सतर्फको उपाधि रक्षा गरेका छन् । त्रिपुरेश्वरस्थित राष्ट्रिय खेलकुद परिषद्को टेनिस कोर्टमा शनिबार भएको पुरूष सिंगल्समा राष्ट्रिय च्याम्पियन प्रदीपले उपाधि रक्षा गर्ने क्रममा प्रणव मानन्धरलाई सोझो सेटमा सहजै हराए । उनले ६–३ र ६–२ ले खेल आफ्नो […]
April 27, 2024
ललितपुर (हाम्रो खेलकुद) – पूर्व नेपाल नवीन तण्डुकारसहित खेलाडीसहित ११ खेलाडी नवौं गणेशमान सिंह स्मृति राष्ट्रिय रेटिङ्ग क्लासिकल बुद्धिचाल प्रतियोगिताको दोस्रो दिन संयुक्तरुपमा अग्रस्थानमा रहेका छन् । नेपाली काँग्रेस पार्टी कार्यालय सानेपामा जारी प्रतियोगितामा नविनसहित हेटौंडाका क्षितिज भण्डारी, २ पटकका पूर्व विजेता सजिन महर्जन, पूर्व विजेता मिलन लामा, यू १६ च्याम्पियन पुरुषोत्तम सिलवाल, ललितपुरका सुरोज […]