default_image

4 weeks ago

March 21, 2024

आर्मी सेमिफाइनलमा, सुदूरपश्चिम बाहिरियो

काठमाडौं (हाम्रो खेलकुद) –दाबेदार त्रिभुवन आर्मी क्लब आठौं आरबीबी एनभीए भलिबल च्यामिपयनसिपको पुरुषतर्फको सेमिफाइनलमा पुगेको छ । चौथो तथा अन्तिम क्वाटरफाइनल बिहीबार खेलमा सुदूरपश्चिम प्रदेशलाई हराउँदै आर्मी सेमिफाइनल पुगेको हो । आर्मीले अब सेमिफाइनलमा अर्को विभागिय टोली नेपाल पुलिस क्लबको सामना गर्नेछ । राष्ट्रिय खेलकुद परिषद्(राखेप) को कभर्ड हलमा भएको खेलमा आर्मीले सुदूरलाई ३–१ ले […]

5098 views

0 Bookmark

काठमाडौं (हाम्रो खेलकुद) –दाबेदार त्रिभुवन आर्मी क्लब आठौं आरबीबी एनभीए भलिबल च्यामिपयनसिपको पुरुषतर्फको सेमिफाइनलमा पुगेको छ । चौथो तथा अन्तिम क्वाटरफाइनल बिहीबार खेलमा सुदूरपश्चिम प्रदेशलाई हराउँदै आर्मी सेमिफाइनल पुगेको हो ।

आर्मीले अब सेमिफाइनलमा अर्को विभागिय टोली नेपाल पुलिस क्लबको सामना गर्नेछ । राष्ट्रिय खेलकुद परिषद्(राखेप) को कभर्ड हलमा भएको खेलमा आर्मीले सुदूरलाई ३–१ ले हराएको हो ।

आर्मीले सुदूरपश्चिमलाई २५–१९, २२–२५, २५–२३, २५–१७ ले हरायो । पहिलो सेटमा आर्मीले सहज जित हात पारेको थियो । दोस्रो सेटमा सुदूरपश्चिमले सुरुवात देखि नै आर्मीलाई दबाबमा राखेको थियो । ३ अंकले पछि परेको आर्मीले १९–१९ बराबरी गरेको थियो ।

त्यसपछि भने सुदूरले २५–२२ मा रोक्दै सेट जित्दै १–१ को बराबरी गरेको थियो । तेस्रो सेटमा आर्मीले सुरुवातमा ७–२ को अग्रता लिएको थियो । तर सुदूरले उत्कृष्ट पूनरागमन गरेपछि १०–१० बराबरी गरेको थियो । त्यसपछि सेटमा कडा प्रतिस्पर्धा भएको थियो । २३–२३ को अवस्थाबाट आर्मीले लगातार दुई अंक जोड्दै सेट जित्दै २–१ ले अघि बढेको थियो ।

चौथो सेटमा भने आर्मीले सहज जितका साथ ३–१ ले खेल जितेको थियो । शुक्रबार पहिलो सेमिफाइनल खेल टिपटप हेल्प नेपाल र गण्डकी प्रदेशबीच प्रतिस्पर्धा हुनेछ । त्यसअघि पुलिसले कोशी प्रदेशलाई ३–० ले हराउँदै अन्तिम चारमा पुगेको हो ।
च्याम्पियनसिपको छैटौं दिन एकपक्षिय क्वार्टरफाइनलमा पुलिसले कोशीलाई २५–१३,२५–१६,२५–१३ ले हराउँदै अघिल्लो चरणको यात्रा तय गरेको थियो ।

त्यसअघि एभरेष्ट भलिबल क्लब र पुलिस क्लब महिलातर्फको फाइनलमा पुगेका थिए । चन्द्रगिरी नगरपालिका न्यु डायमण्ड महिला टिमलाई ३–० को सोझो सेटमा हराउँदै एभरेष्टले पुलिससँगको भेट पक्का गरेको हो ।

राष्ट्रिय महिला टोलीकी कप्तान अरुणा शाहीसहित ३ भारतीय खेलाडी सम्मिलित एभरेष्टले न्यु डायमण्डलाई २५–२०,२५–१२, २५–१८ हराएको हो । एपिएफलाई हराउँदै समूह विजेताका रुपमा सेमिफाइनल पुगेको न्यु डायमण्डले एभरेष्टविरुद्ध भने कुनै पनि समय खेलमा प्रभाव जमाउन सकेन ।

अर्को सेमिफाइनलमा एपिएफलाई हराउँदै साविक पुलिस अन्तिम दुईमा पुगेको थियो । पहिलो सेमिफाइनलमा ३–१ को जितका साथ पुलिस उपाधि रक्षाको नजिक पुगेको हो । पुलिसले एपिएफलाई २७–२५,२५–२२,२५–१७ ले हराएको थियो । समूह चरणमा पुलिस र एभरेष्ट एकै समूहमा थिए । त्यसमा विजयी हुँदै पुलिस समूह विजेता र एभरेष्ट समूह उपविजेताका रुपमा अन्तिम चारमा पुगेका थिए । न्यु डायमण्ड र आर्मीबीच शुक्रबार तेस्रो स्थानका लागि प्रतिस्पर्धा हुनेछ ।

पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।

April 15, 2024

राष्ट्रपति रनिङ सिल्डमा पलेशाले दीप प्रज्ज्वलन गर्ने

काठमाडौं (हाम्रो खेलकुद) – १४ औं केन्द्रीयस्तरीय राष्ट्रपति रनिङ सिल्ड प्रतियोगिताको उद्घाटन समारोहमा पारा तेक्वान्दो खेलाडी ओलम्पियन पलेशा गोवर्धनले ओलम्पिक दीप प्रज्ज्वलन गर्ने भएकी छन् । राष्ट्रिय खेलकुद परिषद् (राखेप) को आयोजनामा मंगलबार हुने राष्ट्रपति रनिङ उद्घाटन कार्यक्रमका दौरान दीप प्रज्ज्वलन गर्नुअघि ओलम्पिक टर्चलाई ट्रयाकमा परिक्रमा गराइने । टर्च परिक्रमा कार्यक्रममा ओलम्पियन देवु थापा, कमलबहादुर […]

April 14, 2024

६ खेलाडी आइओएफसटिसीका लागि छनोट

काठमाडौं (हाम्रो खेलकुद) – चौथो राष्ट्रिय खुला फ्रेन्डसिप तेक्वान्दो प्रतियोगिताबाट ६ खेलाडी दक्षिण कोरियाको सिओलमा अन्तर्राष्ट्रिय ओपन फ्रेन्डसिप तेक्वान्दो च्याम्पियनसिप (आइओएफटिसी) का लागि छनोट भएका छन् । कोरियामा अगष्ट २३ देखि २४ तारिखसम्म हुने आइओएफटिसीका लागि आइतबार ग्योरोगीमा ४ र एकल पुम्सेमा २ गरी ६ स्पर्धामा स्वर्ण पदक जितेका खेलाडी छनोट भएका हुन् । कोटेश्वर […]

April 14, 2024

बागमती अन्तर प्रदेश खेलकुदमा टिम च्याम्पियन

हेटौंडा (हाम्रो खेलकुद) – बागमती प्रदेश प्रथम अन्तरप्रदेश राष्ट्रिय खेलकुद प्रतियोगितामा टिम च्याम्पियन बनेको छ ।बागमती प्रदेश खेलकुद विकास परिषद्ले आयोजना गरेको अन्तरप्रदेश खेलकुदमा ६१ स्वर्ण पदक जित्दै बागमती च्याम्पियन बनेको हो । बागमतीले ४३ रजत र ३६ कांस्य पदकका साथ कुल १ सय ४० पदक जितेको छ । त्यस्तै २१ स्वर्ण, २१ रजत र […]

Success

Thank you for your time.