साविक विजेता हेल्प नेपालको‌ विजयी सुरुवात

काठमाडौं (हाम्रो खेलकुद)- साविक विजेता टिप टप हेल्प नेपाल स्पोर्ट्स क्लबले नवौं एनभिए भलिबल च्याम्पियनसिप पुरुषतर्फ विजयी सुरुवात गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शुक्रवार उद्घाटन खेलमा हेल्प नेपालले एपिएफ क्लब ३-० को सेटमा हराएको छ।

समूह ‘ए’मा हेल्प नेपालले ३ अंक बटुलेको थियो। हेल्प नेपाल २५-२१,२५-२०,२५–२० ले विजयी भएको छ।

पुलिससँग ढोरपाटनको‌ हार

नेपाल पुलिस क्लबको पुरुष टोलीले पनि भलिबल च्याम्पियनसिप आज सुरुवात गरेको छ ।

पुलिसले ढोरपाटन स्पोर्टस क्लबलाई ३-१ ले हराएको छ। कडा प्रतिस्पर्धाका बीच तेस्रो सेट ढोरपाटनले जितेको थियो। अन्य सेटमा भने पुलिस खासै चुनौतीको सामना गर्नुपरेन । पुलिस २५-२०, २५-१४, ३३-३५,२५-१४ ले विजयी भएको हो।

पुलिस र आर्मीको जित
त्यसअघि महिला तर्फ पुलिस र त्रिभुवन आर्मी क्लबले सहज जितका साथ भलिबल च्याम्पियनसिप आज सुरुवात गरेको छ ।

प्रतियोगिताको पहिलो खेलमा पुलिसले सुदूरपश्चिम प्रदेशलाई २५-१०,२५-६,२५-११ ले पराजित गरेको छ।
दिनको दोस्रो खेलमा‌ आर्मीले एभरेष्ट क्लबलाई २५-१६,२५-१४,२५-२३ लाई हराएको छ।

महिलातर्फ ८ र पुरुषतर्फ १२ टोलीको सहभागितामा च्याम्पियनसिप हुँदैछ। यसको महिलातर्फ शीर्ष ६ र पुरुषतर्फका शीर्ष ८ टोली पिएम कप भलिबल लिगका लागि छनोट हुनेछन्।