5 years ago
December 22, 2018
पोखरा (हाम्रो खेलकुद)– त्रिभुवन आर्मी क्लबले चौथो संस्करणको आरबीबी एनभिए राष्ट्रिय पुरुष लिग भलिबल च्याम्पियनसिपको उपाधि जितेको छ । अर्को विभागिय टोली नेपाल एपिएफ क्लबलाई शनिबार ३–२ ले हराउँदै आर्मीले उपाधि रक्षा गरेको हो । लिग चरणमा एपिएफसँग पराजित भएपछि आर्मीले फाइनलमा भने त्यो सिलसिला रोकेको छ । लिग चरणमा एपिएफसँग आर्मी ३–२ को सेटमा […]
पोखरा (हाम्रो खेलकुद)– त्रिभुवन आर्मी क्लबले चौथो संस्करणको आरबीबी एनभिए राष्ट्रिय पुरुष लिग भलिबल च्याम्पियनसिपको उपाधि जितेको छ । अर्को विभागिय टोली नेपाल एपिएफ क्लबलाई शनिबार ३–२ ले हराउँदै आर्मीले उपाधि रक्षा गरेको हो ।
लिग चरणमा एपिएफसँग पराजित भएपछि आर्मीले फाइनलमा भने त्यो सिलसिला रोकेको छ । लिग चरणमा एपिएफसँग आर्मी ३–२ को सेटमा नै पराजित भएको थियो ।
पोखरा रंगशलास्थित भलिबल ट्रेनिङ सेन्टरमा शनिबार भएको प्रतिस्पर्धात्मक खेलमा आर्मीले सुरुवाती सेट १८–२५ ले गुमाएको थियो । तर, आर्मीले उत्कृष्ट पूनरागमन गर्दै दुई सेट २५–१९ र २५–१८ ले आफ्नो पक्षमा पारेपछि आर्मीले खेलमा २–१ को अग्रता बनाएको थियो ।
चौथो सेट २५–१८ ले एपिएफले जितेपछि खेल २–२ को प्रतिस्पर्धात्मक सेटम पुगेको थियो । तर, निर्णायक सेटमा आर्मी १७–१५ ले विजयी हुन सफल भयो ।
विजेताले आर्मीले २ लाख र एपिएफले १ लाख रुपैयाँ प्राप्त गर्यो । त्यसअघि नेपाल पुलिस क्लबले रुपन्देहीको मणी मुकु्न्द भलिबल क्लबलाई ३–० को सोझो सेटमा पराजित गर्दै तेस्रो स्थान हात पा¥यो । नेपाल पुलिसले ५० हजार पायो ।
आर्मीका धनबहादुर भट्ट प्रतियोगिताको सर्वोत्कृष्ट खेलाडी घोषित भए । उनले २५ हजार रुपैया पाए । व्यक्तिगत विधातर्फ नेपाल आर्मीका मानबहादुर श्रेष्ठ बेष्ट स्पाईकर, एपिएफका विजय थापा बेष्ट ब्लकर, नेपाल प्रहरीका याम बहादुर राना बेष्ट सेटर, नेपाल आर्मीका इश्वर थापा बेष्ट लिब्रो र नेपाल प्रहरीका कुल बहादुर थापा बेष्ट सर्भर चुनिए ।
आर्मीका कपिल किशोर उत्कृष्ट प्रशिक्षक चुनिए । उत्कृष्टले समान ५ हजार रुपैयाँ प्राप्त गरे । विजेता, उपविजेता टोलीका खेलाडीलाई राष्ट्रिय खेलकुद परिषदका उपाध्यक्ष पिताम्बर तिमिल्सिना, नेपाल भलिबल संघका अध्यक्ष मनोरन्जन रमण शर्मा, महासचिब जितेन्द्र बहादुर चन्द, वरिष्ठ उपाध्यक्ष याम गुरुङलगायतले पुरस्कृत गरे ।
पुस १ गतेबाट सञ्चालन भएको प्रतियोगितामा ८ टोलीको सहभागिता थियो । काठमाडौंको हेल्प नेपालले लिग चरणका खेल जारी रहँदा प्रतियोगिता बहिष्कार गरेको थियो ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]