5 years ago
January 22, 2019
काठमाडौं (हाम्रो खेलकुद)– विभागीय टोली त्रिभुवन आर्मी क्लबले राजधानीमा जारी १४औं संस्करणको रेडबुल ढोरपाटन सुजुकी महिला डबल लिग भलिबल प्रतियोगितामा अपराजित यात्रालाई कायमै राख्दा अर्को विभागीय टोली नेपाल एपिएफ क्लबले मंगलबार दोहोरो जित निकालेको छ । मंगलबार भएको खेलमा आर्मीले तीन भारतीय खेलाडीसम्मिलित सामाखुशी इंग्लिस बोर्डिङ स्कुल(सेव) लाई ३–० को सोझो सेटमा पराजित गर्दै अपराजित […]
काठमाडौं (हाम्रो खेलकुद)– विभागीय टोली त्रिभुवन आर्मी क्लबले राजधानीमा जारी १४औं संस्करणको रेडबुल ढोरपाटन सुजुकी महिला डबल लिग भलिबल प्रतियोगितामा अपराजित यात्रालाई कायमै राख्दा अर्को विभागीय टोली नेपाल एपिएफ क्लबले मंगलबार दोहोरो जित निकालेको छ ।
मंगलबार भएको खेलमा आर्मीले तीन भारतीय खेलाडीसम्मिलित सामाखुशी इंग्लिस बोर्डिङ स्कुल(सेव) लाई ३–० को सोझो सेटमा पराजित गर्दै अपराजित यात्रालाई कायम राख्यो । प्रतिस्पर्धात्मक पहिलो सेटमा आर्मीले ३१–२९ को संघर्षपूर्ण जित निकाल्यो ।
त्यसपछिको दुवै सेट आर्मीले २५–१९ र २५–२० ले सहजै आफ्नो पक्षमा बनायो । लगातार चौथो जितसँगै आर्मी अंक तालिकाको शीर्षस्थानमा रहेको छ । आर्मीको चार खेलबाट १२ अंक छ । आर्मीसँग पराजित सेव ६ खेलबाट ६ अंक जोडेर पाँचौ स्थानमा छ ।
साविक विजेता नेपाल एपिएफ क्लबले दोहोरो जित निकाल्दै आर्मीलाई पछ्याइरहेको छ । एपिएफले सेव स्कुल र थाहा नगरपालिका महवानपुरमाथि समान ३–० कै सहज जित निकाल्यो ।
पहिलो खेलमा एपिएफले सेवमाथि २५–८, २५–१४ र २५–१८ को सहज जित हासिल गर्यो । अर्को खेलमा एपिएफले थाहा नगरपालिकालाई २५–७, २५–११ र २५–१२ ले हरायो । लगातार तेस्रो जितसँगै एपीएफ ९ अंक जोडेर दोस्रो स्थानमा उक्लिएको छ ।
यस्तै अपराजित नै रहेको पुलिसले श्रीगाँउ दाङ खेलकुद विकास समिति दाङमाथि २५–८, २५–९ र २५–८ जित निकाल्यो । ६ खेलबाट ९ अंक जोडेको दाङ तेस्रो तथा तीन खेलबाट ६ अंक जोडेको पुलिस चौथो स्थानमा रहेको छ ।
थाहा नगरपालिका छैटौ तथा अंकविहीन आयोजक ढोरपाटन सातौ स्थानमा रहेको छ । लिगमा पश्चिमाञ्चल क्षेत्रीय भलिबल संघ र चितवन टाइगर्सले खेल्न बाँकी छ । डबल लिगको आधामा हुने प्रतियोगिता अन्तरगत बुधबार पाँच खेल हुने आयोजकले जनाएको छ ।
पहिलो खेलमा पुलिस र थाहानगरपालिका, दोस्रो खेलमा पश्चिमाञ्चल क्षेत्रीय भलिबल संघ र सेव, तेस्रो खेलमा चितवन टाइगर्स र थाहा नगरपालिका, चौथो खेलमा खेलमा नेपाल पुलिस क्लब र आर्मी तथा पाँचौ खेलमा पश्चिमाञ्चल क्षेत्रीय भलिबल संघ श्रीगाँउ दाङबीच खेल हुनेछ । प्रतियोगिता माघबाट १९ माघसम्म चल्नेछ ।
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]