5 years ago
January 27, 2019
काठमाडौं (हाम्रो खेलकुद)- विभागीय टोली नेपाल पुलिस क्लबले आइतबार दोहोरो जित निकाल्दै राजधानीमा जारी १४औं रेडबुल ढोरपाटन सुजुकी महिला डबल लिग भलिबल प्रतियोगिताका शीर्ष स्थानमा उक्लिएको छ । लिगमा अपराजित रहेको पुलिसले एक खेल कम खेलेको एपीएफलाई ३ अंकले पछि पार्दै लिगको शीर्ष स्थानमा उक्लन सफल भएको हो । पुलिसको ७ खेलबाट २१ अंक पुगेको […]
काठमाडौं (हाम्रो खेलकुद)- विभागीय टोली नेपाल पुलिस क्लबले आइतबार दोहोरो जित निकाल्दै राजधानीमा जारी १४औं रेडबुल ढोरपाटन सुजुकी महिला डबल लिग भलिबल प्रतियोगिताका शीर्ष स्थानमा उक्लिएको छ ।
लिगमा अपराजित रहेको पुलिसले एक खेल कम खेलेको एपीएफलाई ३ अंकले पछि पार्दै लिगको शीर्ष स्थानमा उक्लन सफल भएको हो । पुलिसको ७ खेलबाट २१ अंक पुगेको छ । एक खेल कम खेलेको साविकको विजेता एपीएफ १८ अंक जोडेर दोस्रो स्थानमा छ ।
नयाँ बसपार्कस्थित ढोरपाटन क्लबको खेल मैदानमा आइतबार पुलिसले पश्चिमाञ्चल क्षेत्रीय खेलकुद विकास समिति पोखरा र चितवन टाइगर्सलाई पराजित गर्न सफल भयो । पुलिसले पश्चिमाञ्चलमाथि ३–१ को जित निकाल्दा चितवन टाइगर्समाथि ३–० को सहज जित निकाल्यो ।
प्रतिस्पर्धात्मक बनेको खेलको पहिलो सेट निकै रोमाञ्चक बनेको थियो । पहिलो सेट पुलिसले २४–२६ ले गुमाएको थियो । तर, त्यसपछिको तीन सेट पुलिसले सहजै आफ्नो बनाउन सफल भयो । दोस्रो सेट पुलिसले २५–१२ ले सहजै आफ्नो बनाउदै खेललाई १–१ को बराबरीमा ल्याए ।
तेस्रो सेट पुलिसले २५–२० ले आफ्नो पक्षमा पार्दै खेलमा २–१ को अग्रता बनाउन सफल भयो । चौथो सेट २५–१२ ले सहजै जित्दै पुलिसले ३–१ को सेटमा जित निकाल्यो । आइतबारै भएको अर्काे खेलमा पुलिसले चितवन टाइगर्सलाई २५–१०, २५–१२ र २५–१८ ले पराजित ग¥यो ।
साविकको विजेता एपीएफले अर्काे विभागीय टोली त्रिभुवन आर्मी क्लबलाई ३–० को सोझो सेटमा पराजित गर्दै आफ्नो अपराजित यात्रालाई कायमै राख्यो । एपीएफले आर्मीमाथि २५–१९, २५–११ र २५–१८ ले सहजै हरायो ।
आइतबारै भएको अर्काे खेलमा चितवन टाइगर्सले आयोजक ढोरपाटन क्लबलाई २५–१५, २५–७ र २५–१२ ले सहजै पन्छायो । प्रतियोगिता अन्तरगत सोमबार लिगका चार खेल हुने आयोजकले जनाएको छ । श्रीगाँउ र चितवन टाइगर्स, पश्चिमाञ्चल र आर्मी, एपीएफ र पुलिस तथा पश्चिमाञ्चल र चितवन टाइगर्सबीच खेल हुनेछ ।
अंक तालिका
१. पुलिस (२१) ७ खेल
२. एपीएफ (१८) ६ खेल
३. आर्मी (१५) ७ खेल
४. सेव (११) ८ खेल
५. पश्चिमाञ्चल (१०) ५ खेल
६.श्रीगाँउ (९) ८ खेल
७. चितवन टाइगर्स (६) ६ खेल
८.थाहा (३) ८ खेल
९. ढोरपाटन (०) ८ खेल
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]