काठमाडौं (हाम्रो खेलकुद)– गण्डकी प्रदेश, नमुना दिप युवा क्लब र शान्तीदिप युवा क्लब मन्थली मेयर कप रामेछाप सिभिल भलिबल च्याम्पियनसिपमा समूह विजेताका रुपमा क्वार्टरफाइनलमा पुगेका छन् ।
गण्डकी प्रदेशले बुधबार सम्पन्न दुवै खेलमा जित हात ग¥यो । पहिलो खेलमा प्रदेश ३ लाई २६–२४, २५–९ र २५–१९ ले पराजित ग¥यो । अर्को खेलमा गण्डकीले सात नम्बर प्रदेशलाई २५–१८, २५–२० र २५–१९ ले हराउदै समुह ‘ए’ को विजेता बन्न सफल भयो । हारसँगै प्रदेश ७ प्रतियोगिताबाट बाहिरिएको छ ।
समुह ‘घ’ को खेलमा शान्तीदिपले प्याराडाइजलाई २५–१९, २५–१८ र २५–१७ ले हरायो । समुह ‘ग’को खेलमा नमुनादिपले दुइ नम्बर प्रदेशलाई २५–१९, २५–२३ र २५–१२ ले पराजित गर्यो ।
बिहीबार क्वार्टरफाइनलमा गण्डकी प्रदेशले प्रदेश २, शान्तीदिपले कर्णली प्रदेश, नमुनादिपले प्रदेश ३ तथा प्याराडाइजले प्रदेश १ को सामना गर्नेछन् ।
कुल ७ लाख २५ हजार पुररस्कार राशी रहेको प्रतियोगितामा ७ प्रादेशिक टोली र रामेछापका तीनसहित १० टोलीको सहभागिता छ । लिग कम नकआउटका आधारमा जारी प्रतियोगिताको विजेताले उपाधिसहित ३ लाख रुपैयाँ प्राप्त गर्नेछ । दोस्रो हुनेले २ लाख, तेस्रो हुनेले १ लाख र चौथो हुने टोलीले ५० हजार रुपैयाँ प्राप्त गर्नेछ ।
प्रतियोगिताको सर्वोत्कृष्ट खेलाडीले १५ हजार रूपैयाँ तथा विधागत तर्फका उत्कृष्ट सर्भर, स्पाइकर, ब्लकर, लिवेरो, सेटर र प्रशिक्षकले समान १० हजार रुपैयाँ पाउनेछन् ।
