ललितपुर (हाम्रो खेलकुद) – काठमाडौ स्पोर्ट्स सोसाइटी र आइएफसि सानेपाले फ्रेन्डस् भेट्रान्स कप फुटबल प्रतियोगिताको क्वाटरफाइनलमा प्रवेश गरेका छन् ।
ग्रासरुट फुटबल बिकासको लागि सहयोगार्थ आयोजना गरिएको प्रतियोगिताको उद्घाटन खेलमा काठमाडौ स्पोर्ट्स सोसाइटीले फ्रिडम एफसी नखिपोटलाई पेनाल्टी सुटआउटमा ३–२ ले पराजित गर्दै अन्तिम आठमा पुग्न सफल भएको हो । निर्धारित ५० मिनेटमा कुनै गोल निस्कन नसकेपछि खेल पेनाल्टी सुटआउटमा पुगेको थियो ।
बागमती नदी किनारमा भएको अर्काे खेलमा आइएफसी सानेपाले आयोजक फ्रेन्डस क्लब कोपुण्डोललाई २–१ ले पराजित गर्यो । तेस्रो खेलमा बौद्ध टुसाल भेट्रान्सले ललितपुर महानगरपालिका वडा न. १ लाई १–० ले हरायो । यस्तौ चौथो खेलमा बानेश्वर युनाइटेड फूटबल क्लबले जाउलाखेल युथ क्लबलाई १–० ले हरायो । अभिषेख चर्च, रजहर नवलपुरले नव उदय क्लब ज्वागाल कोपुण्डोललाइ २–१ ले पराजित गर्यो ।
प्रतियोगितामा बिहीबार काठमाडौ स्पोर्ट्स सोसाइटी र बौद्ध टुसाल भेट्रानबीच पहिलो क्वाटरफाइनलखेल हुनेछ । यस्तै आइएफसि सानेपा र बानेश्वर युनाइटेड अभिषेख चर्च रजहर नवलपुर र बगरभाइ खलक पोखरा बीच तथा मदन भण्डारि स्पोर्ट्स फाउन्डेसन चाबहिल र इन्द्रेणी एकीकृत बिकास केन्द्र, पोखराबीच अर्काे क्वाटरफाइनल खेल हुनेछ । प्रतियोगितामा १२ टोलीको सहभागिता रहेको छ ।
