काठमाडौं (हाम्रो खेलकुद) – काठमाडौं स्पोर्ट्स सोसाइटी र बानेश्वर युनाइटेड फ्रेन्डस् भेट्रान्स कप फुटबलको उपाधिका लागि भिड्ने भएका छन् ।
थापाथलीस्थित बागमती नदी किनारको खेल मैदानमा शुक्रबार भएको पहिलो सेमिफाइनलमा काठमाडौ स्पोर्ट्स सोसाइटीले अभिषेख चर्च, रजहर नवलपुरलाई २–१ ले पराजित गर्दै उपाधिनजिक पुगेको हो ।
शुक्रबारै भएको अर्काे सेमिफाइनलमा बानेश्वर युनाइटेड फुटबल क्लबले इन्द्रेणी एकीकृत बिकास केन्द्र पोखरालाई २–० ले पराजित गर्दै फाइनलमा काठमाडौंसँगको भेट पक्का गरेको हो । फाइनल खेल शनिबार दिउँसो २ बजे हुने प्रतियोगिता संयोजक राजा राम तन्डुकारले जानकारी गराए ।
‘ए’ डिभिजनको फ्रेन्डस् क्लबले ग्रासरुटबाट खेलाडी उत्पादनको लागि सहयोगार्थ पहिलो भेट्रान्स प्रतियोगिताको आयोजना गरेको हो । प्रतियोगितामा विभिन्न १२ टोलीको सहभागिता रहेको थियो ।
