अत्तरिया (हाम्रो खेलकुद) – प्रथम बिवाइसी मेयर कपअन्तर्गत बिहीबारको खेलमा खजुरा गाउँपालिका बाँकेले धनगढी उपमहानगरपालिकालाई २-१ ले पराजित गरेको छ ।
खेल सुरु भएको १५ औ मिनेटमा खजुरा गाउपालिका बिक्रम ठकुरीले पहिलो गोल गर्दै टिमलाई अग्रता दिलाए । पहिलो हाफको खेलमा एक गोलले पछि परेको धनगढीका लागि दोस्रो हाफको ५३ औं माधव भण्डारीले गोल गरे । ६५ औ मिनेटमा विक्रमले व्यक्तिगत दोस्रो गोल गर्दै टिमलाई जिताए । म्यान अफ द म्याच घोषित विक्रमले ३ हजार रुपैयाँ हात पारे ।
प्रतियोगिताअन्तर्गत शनिबार तुलसीपुर उपमहानगरपालिका दाङ र पुर्नवास नगरपालिका कञ्चनपुर बिच पहिलो क्वाटर फाईनलको खेल हुनेछ । बनदेवी युवा क्लब तेघरीको आयोजनामा कैलालीको गोदावरी नगरपालिका वडा नं २ तेघरीमा जारी प्रतियोगिता विजेताले ३ लाख र उपविजेताले १ लाख ५० हजार रुपैयाँ प्राप्त गर्नेछन् ।
