काठमाडौं (हाम्रो खेलकुद)- आर्मीका खगेन्द्र भाट दोस्रो अन्नपूर्ण म्याराथनको च्याम्पियन बनेको छन् । सोमबार भएको म्याराथनमा खगेन्द्रले अघिल्लो संस्करणको विजेता आर्मीकै हरि कुमार रिमाललाई पछि पार्दै उपाधि जितेका हुन् । गोपाल तामाङ तेस्रो र सचिन गुरुङ चौथो भए ।
४२ सय मिटर उचाइको अन्नपूर्ण आधार शिविरबाट सुरुवात भएर माछापुच्छ्रे आधारशिविर हुँदै वगर, देउराली, हिमालय, दोभान, सिनुवा, भनुवा, छोम्रोङ, घुर्जुङ, टाढापानी हुँदै १६ सय उचाइमा रहेको घान्द्रुकमा पुगेर समापन भएको हो ।
आयोजक अन्नपूर्ण सेन्चुरी पर्यटन समिति तथा सहआयोजक अन्नपूर्ण काठमाण्डौ समाजले संयुक्त रुपमा आयोजना गरेको म्याराथन प्रतियोगिताको विजेताले उपाधिसँगै खगेन्द्रले १ लाख ५ हजार पुरस्कार रुपैयाँ प्राप्त गरे दोस्रो भएको हरिले ७५ हजार रुपैया पाए ।
तेस्रोले ५५ हजार र चौथोले ११ हजार रुपैया पाए । विजेताहरुलाई युवा तथा खेलकुद मन्त्री जगत बहादुर विश्वकर्माले नगद र शिलड प्रदान गरे ।
म्याराथनमा ५६ जना नेपाली तथा विदेशी धावकहरुले प्रतिस्पर्धा गरेका थिए ।
