default_image

5 years ago

June 15, 2019

न्यु डायमन्ड र एपीएफ समूह विजेता

नुवाकोट (हाम्रो खेलकुद)-होङग्वान्जी न्यु डायमन्ड एकेडेमी र विभागीय नेपाल एपीएफ क्लब नुवाकोटमा जारी प्रथम उपमेयर कप रााष्ट्रिय महिला भलिवल प्रतियोगिताको समूह विजेता बन्दै सेमिफाइनलमा प्रवेश गरेका छन् । जिल्ला खेलकुद विकास समितिको मैदान कोलनीमा शनिबार भएको समूहको अन्तिम खेलमा डायमन्डले आयोजक विदुर नगरपालिकालाई ३–० को सोझो सेटमा पराजित गर्दै समूह ‘ए’ को विजेता बनेको हो […]

25 views

0 Bookmark

नुवाकोट (हाम्रो खेलकुद)-होङग्वान्जी न्यु डायमन्ड एकेडेमी र विभागीय नेपाल एपीएफ क्लब नुवाकोटमा जारी प्रथम उपमेयर कप रााष्ट्रिय महिला भलिवल प्रतियोगिताको समूह विजेता बन्दै सेमिफाइनलमा प्रवेश गरेका छन् ।

जिल्ला खेलकुद विकास समितिको मैदान कोलनीमा शनिबार भएको समूहको अन्तिम खेलमा डायमन्डले आयोजक विदुर नगरपालिकालाई ३–० को सोझो सेटमा पराजित गर्दै समूह ‘ए’ को विजेता बनेको हो । एकपक्षीय खेलमा डायमन्डले विदुरमाथि २५–१४, २५–५ र २५–२१ को सहज जित निकाल्यो ।

यो समूहबाट नेपाल पुलिस क्लब समूह उपविजेताको रुपमा अन्तिम चारमा पुग्न सफल भयो । समूहको अन्तिम खेलमा पुलिसले सिन्धुपाल्चोकमाथि २५–१३, २५–१२ र २५–१५ को सहज जित निकाल्यो । एपीएफले शनिबार दोहोरो जित हात पार्दै समूह ‘बी’ को विजेता बन्न सफल भयो ।

पहिलो खेलमा एपीएफले पारामाउन्टमाथि २५–६, २५–६ र २५–२१ को सहज जित निकाल्दा विभागीय डर्वी भिडन्तमा आर्मीलाई २५–२१, २५–१५ र २५–२२ ले हरायो । एपीएफसँग पराजित भएपनि आर्मी समूह ‘बी’ बाट उपविेजताको रुपमा अन्तिम चारमा पुग्न सफल भयो । यससँगै प्रतियोगिताको सेमिफाइनल समिकरण पुरा भएको छ ।

डायमन्डले सेमिफाइनलमा समूह ‘बी’ को उपविजेता आर्मीको तथा एपीएफले समूह ‘ए’ उपविजेता नेपाल पुलिस क्लबसँग खेल्नेछ । खेल आइतबार हुनेछ । विदुर नगरपालिकाको आयोजना, जिल्ला खेलकुद विकास समितिको समन्वय तथा नुवाकोट भलिवल संघको सहयोगमा भएको प्रतियोगिताको विजेताले १ लाख ५० हजार रुपैयाँ हात पार्नेछन् ।

दोस्रो हुनेले ७५ हजार तथा तेस्रोले ४० हजार रुपैया हात पार्नेछन् । यस्तै प्रतियोगिताको सर्वाेत्कृष्ट खेलाडीले ५ हजार र व्यक्तिगत विधाका स्पाइकर, सेटर, ब्लकर, लिवेरो र सर्भरले जनही ३ हजार पाउनेछन् । फाइनल सोमबार हुनेछ ।

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

March 28, 2024

राष्ट्रपतिलाई निमन्त्रणा

काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]

Success

Thank you for your time.